【now.com】無綫電視（TVB）台慶獻禮，十五集的《Do姐去Shopping》播完之後，今晚十點半由《網絡挑機》接棒，以「唔似TVB」的節目為號，標榜任由一班網絡紅人在大氣電波提出不滿：「網民近年經常拿TVB的製作做笑點，又暗諷TVB是「方丈」（份人好小器）。今次嘗試反客為主，放手讓他們做話事人，炮製一個，以『蔗渣的價錢』拍出『燒鵝的味道』」就連節目預告都好大方，批評TVB「又out又舊」、「假」、「有獨特的物理系統」等的說話都照出街，令觀眾都不禁有點期待。不過，節目都未播出，《網絡挑機》已有負評，仲要係被主持人插。
節目邀請了司徒夾帶、Ming仔、Eminleo、Ronnie、Miss Hunny、伍公子、恆仔、薑檸樂、Kibi等網絡紅人以真人騷的形式分組自由拍片，主持之一的伍公子就於Facebook呼籲觀眾唔好睇，指TVB又要威又要戴頭盔，對他們諸多制肘，覺得節目無可能爆出來，更表示負評如潮的劇集《愛。回家》可能更好睇。司徒夾帶日前亦拍了條片講為何會同一班網絡人拍無綫節目，表明並不認同TVB，只是想爭取曝光。言談間又滲透了一些不滿，認為未能按計劃邀請王維基上節目好失望。
伍公子於Facebook鬧爆TVB。（Facebook截圖）
節目是TVB一年一度的真人騷之一，今年唔再是「剩男剩女」、「盛男盛女」，找來一班網絡紅人。（Facebook圖片）
仲邀請旗下藝人出鏡。（Facebook截圖）
司徒夾帶亦有分享對於《網絡挑機》的感受。（Facebook截圖）
伍公子之前笑自己出席記者招待會無人識。（Facebook圖片）
