【now.com】鄭欣宜最新和Supper Moment合作新歌《分手是常識吧》，後日更會一同在九展舉行音樂會，昨日眾人進行綵排，狀態大勇，在現場夾band rock味十足。
平時出騷似是淡淡定的欣宜，竟也會因開騷在即令心情緊張到發惡夢，她透露跑步就是最好的減壓方法：「流完一身汗後感覺舒服晒！所以前一晚唔單止冇發惡夢，仲瞓足8粒鐘自然醒。」為了養好靚聲，當然要戒煎炸食物，她說：「我好耐無打邊爐啦！完騷後第一件事就係去食麻辣火鍋！」
她又稱學識享受舞台：「初時嘅壓力係自己畀嘅，因為今次音樂會要唱好多人哋嘅歌，要喪背歌詞，但後尾諗通咗，其實最緊要過程have fun，就好似呢個音樂會名咁SUPERJOY，只要我哋投入表演，觀眾自然都會have fun。」
欣宜又表示和Supper Moment連月來合作愉快：「大家都係笑點低、容易相處嘅人，所以後晚音樂會，我哋想以最開心嘅狀態表演，令大家enjoy呢一晚。」
