【now.com】男神王宗堯明天（2號）生日，過去一星期他幾乎日日都食生日飯，昨日又輪到同公司的兩位死黨陳詩慧（Eva）和張建聲與他去迪士尼樂園慶生。
他們和一班朋友特別為王宗堯炮製了一個別出心裁、寫上「Greg少Happy Birthday」的攝影機生日cake，蛋糕底部有他和親友同事們的合照，又有他和周家怡拍《導火新聞線》時的照片、《選戰》劇照及《壹獄壹世界：高登闊少踎監日記》的宣傳活動相片等等，非常精美，加上現場又有米奇老鼠做特別嘉賓賀壽，難怪氹到壽星仔笑唔停。
Eva笑說：「阿Greg好開心呀，我哋係特登嚟迪士尼同佢搞生日party，同埋今次係我第一次嚟迪士尼咋，真係好好玩，我玩完Toy Story嘅機動遊戲落嚟時腳軟，要坐一坐定吓神先。」王宗堯感謝朋友們的用心：「呢次係好難得成班朋友喺我生日之前放假一齊入嚟迪士尼，大家食咗餐飯，佢哋特登製造咗一條片，好多人祝我生日快樂，無論有嚟冇嚟嘅朋友都好，個心意好好啦；仲有個蛋糕好靚，佢哋精心製造俾我，仲有個camera喺度添，另外又有多個生日蛋糕俾我，我係不斷慶祝生日同食蛋糕，所以嚟緊要努力啲做運動減肥。」
王宗堯（左）同公司的兩位死黨Eva（中）和張建聲（右）與他去迪士尼樂園慶生。
入迪士尼當然要同米奇合照！
個蛋糕好靚好靚啊！
為鍾意攝影的男神度身訂造個靚蛋糕。
估唔到Eva第一次嚟迪士尼咋。
