【now.com】陳奕迅（Eason）日前為無綫J2節目《娛樂3兄弟》錄影，當講起好友謝霆鋒為他作的新歌《起點‧終站》時，Eason忽然扮嘢王上身，扮霆鋒的招牌Chok樣，並指他們的合作源自去年為對方作客《十二道鋒味》，Eason還講笑話有想過做個節目跟霆鋒打對台：「我有諗過拍一輯《十二道燶味》，每度菜都係燶，請嘉賓上來試食燶味中有咩唔同......」
講到有網民以「康雍乾」來形容三代歌王──譚詠麟、張學友和他，Eason感激這兩位亦師亦友的前輩。他憶述在一次聚會中把新歌播給校長聽，校長即忍不住給他意見和做了一點幕後企劃。Eason又力撐校長其實也可以記到歌詞，只是因為他分心關注台下觀眾的反應：「甩歌詞係因為我地太敏感，好多時要顧及觀眾感受，失去咗個Focus。」
他又被問如果可以和學友合作重拍一部經典電影，會選擇拍《英雄本色》、《激戰》或是《春光乍洩》呢？想不到Eason竟然對《春光乍洩》有興趣，更不介意全裸演出：「如果拍嘅話希望學友要先剃鬚，同同性接吻OK，但如果有鬚嘅話就受唔住，至於全裸戲就一定要修咗身先，如果唔係要擔心將我拍成26比9先出得街。」
