【now.com】馮德倫(Stephen)早前與好朋友吳彥祖(Daniel)到美國為AMC電視台拍攝關於東方武術的劇集《Into the Badlands》,兩人齊齊出任監製,Daniel更擔正做劇集男主角,Stephen又指新劇會與《西遊記》有關連地方。
提到與美國電視台的合作,Stephen說是機緣巧合:「因為AMC想拍一部特別功夫題材嘅劇集,又搵咗兩個我認識嘅監製朋友去傾,嗰兩位監製朋友又睇過我之前嘅《太極》,覺得好鍾意所以促成咗今次合作,而我、Daniel同埋另外兩個監製就開始諗古仔同題材,呢部絕對唔係翻拍《西遊記》,但大家可能會睇到相關連嘅地方。」他又表示這次拍攝由籌備到完成用了約四個月時間,演員們亦做了兩個月的武術訓練,Stephen更笑言兩人是第一個美劇華人監製:「我同Daniel應該係第一個拍攝美國電視劇嘅華人監製,我係咪第一個拍美國電視劇嘅華人導演就唔肯定喇!」
至於在美國拍攝跟香港拍攝電影的分別,Stephen坦言今次是他第一次拍攝荷里活級數的製作,但感覺與跟香港拍攝沒有太大分別:「第一次拍荷里活大製作,分別不大,不過我入咗美國導演工會,係有啲規條,不過都多優惠。真係要講最大分別嘅話應該係膳食,呢度有龍蝦牛扒,日日唔同,會比較舒服。同埋入咗工會福利比較好,有醫療、保險、幫你計埋分紅,仲有機會拍到呢度八大製作公司嘅電影計劃。」