【now.com】曾主演人氣韓劇《繼承者們》的韓國男神李敏鎬，日前被踢爆戀上韓國女團miss A的秀智，兩人無懼偶像包袱，火速透過經理人公司承認已拍拖一個月多，不過兩位當時人都未有現身說法，連秀智前日錄影節目都未有通知傳媒採訪。
不過昨日乃miss A出新碟的大日子，秀智終於「蒲頭」，一身Pink lady的打扮，相當紅粉菲菲。她自公開戀情後首度現身，更首度談及男友李敏鎬，大讚對方：「佢好識照顧人，係一個好溫暖嘅人。」兩人早前在倫敦被影到拍拖，秀智亦大方透露行程：「同普通戀人一樣，都係食飯、遊車河。」可能戀情滋潤得濟，穿露腰裝的秀智竟擠出一條豬腩肉，與自稱受水腫困擾的李敏鎬襯到絕一絕！
雖然一個是「長腿Oppa」，一個是「國民初戀」，郎才女貌，不過雙方的fans已喊到一地眼淚，難怪秀智最後表示希望得到大家的支持和祝福。
仲有最靚嘅豬腩肉～仲有最靚嘅豬腩肉～
真係心廣體胖咗少少...不過一樣咁索！
戀愛中嘅女人特別靚！
秀智所屬的女團miss A出新碟。
成功奪得秀智BB芳心的李敏鎬。
