【Now.com】TTArtisan (銘匠) 近期好玩嘢，繼早前推出成個菲林筒嘅LED 補光燈，啱啱再搞新意思，推出2.0 版本，加入「RGB彩色」，變成彩色菲林…..補光燈！
TTArtisan「彩色 LED 菲林」正式名稱係「RGB 全彩補光燈」，尺寸為 2.9cm x 4.4cm，重量只係 20g（唔包括底座）。外觀設計以菲林造型為主，表面刻有「COLOR」字樣，突出佢個彩色特點。產品設有底座配件，可安裝喺相機機頂熱靴插座上，透過磁力將燈頭橫向接駁，燈頭部分可以上下擺動，方便用戶拍攝，拍片影相都幫到手。
補光燈內置 15 粒 LED 燈珠，提供 400至750nm 可見光波長，可以玩到好似彩虹咁。顯色指數 CRI 95+，照射亮度同角度分別有 100 度同 250lm，可滿足唔同拍攝需求。補光燈內藏 300mAh 鋰電池供電，充電時間只要 45 分鐘，就可以提供長達 80 至 160 分鐘工作時間。
TTArtisan話，「彩色 LED 菲林」2.0 版本為攝影愛好者帶嚟更多創意拍攝選擇，外觀獨特、功能強大，係一款值得期待嘅攝影配件。幾期待都要睇過先知，TTArtisan將於短期公布售價同上市日期。
Photo / 微博@獨立攝影師聯合會
