【Now.com】ViuTV全新節目《ROVER綜藝咁樣樣》熱播中，ROVER四子展開密集式「綜藝集訓」！在今晚（24日）播出的第5集中，成員們進行「玩命」訓練挑戰爬椰子樹，亨仔（陳鎮亨）從豪言「冇難度」到嚇破膽，畏高的Kim（卓金樂）更爬到喊，場面驚險又感人！
《嘉頓麵包蛋糕《每日綻放幸福滋味》呈獻ROVER綜藝咁樣樣》逢星期一至五晚上10時30分播放，ROVER四子雖形象陽光，但主持綜藝的能力毀譽參半！為對症下藥，節目旅程一方面是根據四子喜好度身訂做的豪華團，另一方面卻是一次密集式「綜藝集訓」。又請來「綜藝老鳥」陳安立（Brian）隨團出發，擔任四子的「綜藝指導」。今晚播出的第5集，ROVER挑戰爬椰子樹。打頭陣的亨仔，由最初豪言「冇難度」，到最後也禁不住大叫「好高」，更邊爬邊唞大氣。亨仔事後坦言：「爬到中段開始其實真係好驚，因為棵樹真係好高下。難得有一個目標我可以去闖，我好想試吓，好想有所收穫。」而本身有畏高的阿Kim挑戰更大，更爬到喊，感慨地表示：「你話放棄其實好容易㗎咋，但係我諗返起我哋一齊做嘢，唔想咁易放棄囉。」真情告白令其他成員大為感動。
辛苦過後，ROVER連同Brian一齊去食餐好兼進行大檢討，期間Jason（雷濠權）想到自己的表現突然感觸落淚：「拍嘢呢方面我自認為我畀佢哋可能多少少經驗，即係我對我嘅要求會高啲，應該要做得再好啲，但係好似而家未做到呢樣嘢。希望今次呢輯團綜完成之後，再做得好啲。」Brian隨即鼓勵Jason：「你要記住呢個節目最好睇呢，唔係邊一個企咗出嚟，而係你哋4個嘅力量加埋先係最好睇嘅嘢。」
