【Now.com】以獨特音樂風格、活潑可愛形象吸引不少粉絲的麗英，除了是小薯茄成員外，也是獨立歌手。最近她推出了新歌《我們沒有在一起》，為她「愛情三部曲」的最終章。日前更登上MOOV獨家新推節目《MOOV樂談》，接受Head of MOOV – Eliza的訪問，透露新歌點解要係Sad Ending。麗英更大爆理想對像條件，希望另一半都同樣喜愛音樂，更稱自己「鍾意靚仔」！
繼歌曲《美男子圖鑑》、《解咒說明書》後，麗英新歌《我們沒有在一起》為愛情三部曲的最終章。新歌為一段最終沒能開花結果的愛情而哀悼，「孤獨」狀態之下，更容易讓人懷念過去美好的時光，就連MV都是自己揸車，憑歌寄意釋放滿滿的孤獨感。麗英指：「新歌主要帶出一種孤獨感，想話畀 大家聽就算孤獨都冇嘢。我哋總會有孤獨嘅時候，我哋擁抱佢就可以。」麗英又透露新歌點解要係Sad Ending：「因為我好鍾意睇日落同海，睇到嘅時候腦內都會諗起過往嘅遺憾、回憶。就算平時笑哈哈都好，但自己一個嘅時候，都會有孤獨感。」
麗英又向Eliza大爆理想對像條件，她希望另一半都同樣喜愛音樂，更稱自己「當然鍾意靚仔，但係係Bonus」！她指最重要是另一半會體貼、明白自己。
二人又提及2023年12月舉行的麗英首個個人音樂會《MOOV Live 麗英》，麗英表示此回憶畢生難忘：「係成長大集匯。開心之餘，亦都有痛苦存在。我喺到諗，到底我係咪真係做到呢？有好多自我懷疑，但我好多謝呢場騷，我發覺自己真係大個左好多，對自己自信左，亦都明白身邊有好多人好錫我， 所以我要更加努力去做我而家想做嘅嘢。」
最後，麗英談起自己的新興趣－針織。她發現重覆做一件事會有一種內心平靜的感覺，又指自己越織越快，最快半個鐘就搞掂，笑言可以考慮推自家針織品牌。
麗英新歌《我們沒有在一起》及《MOOV Live 麗英》可於MOOV收聽及收看。
