【Now.com】女團COLLAR成員Day許軼，推出第二首個人單曲《hold on》，曲風以小清新為主，帶出天馬行空「中二病」的想法。為配合清新風格，Day特別找來張蔓姿為MV擔任導演，仲有半歲大羊咩咩擔演對手戲，拍攝期間羊咩咩與Day一拍即合，拍攝過程順利，Day笑言十分榮幸。
Day指第一次聽《hold on》Demo時已瞬即勾起她「中二病」的想法，Day表示：「呢首歌其實有好多解讀，可以話係講一首situationship嘅歌，但自己對呢首歌解讀係幾『中二病』想法，例如：兩個唔同時空嘅東西，永遠見唔到大家；又或者，一棵細嘅樹畀一棵好大嘅樹遮住，永遠見唔到日出；又或者紅燈同綠燈，永遠無法正面望住大家。」可見Day思維的天馬行空。
邀張蔓姿執導MV
今次MV特色，除找來香港藝術家Heidi加插繪畫動畫之外，亦特別邀請張蔓姿為MV執導，Day大讚對方：「一路有睇Gigi（張蔓姿）執導嘅MV，覺得佢拍嘅嘢全部都好靚，好鍾意佢嘅感覺同藝術風格，覺得佢好適合呢首歌，小清新風格得嚟又cool cool哋，第一次同佢傾合作已經好順利，佢內心都係cute cute嘅女仔，我哋大家言談甚歡。」
製作單位更特別為MV找來半歲大的小羊咩到場參與演出，期間Day更要與羊咩咩同框演對手戲，雖然埋位前，羊咩咩一度表現震騰騰，但經過一輪相處後，Day與羊咩咩漸漸混熟，令拍攝過程順利。
猶記得之前拍攝COLLAR團歌，Day亦曾經跟鸚鵡合作，今次再同羊演對手戲，問到Day會否抗拒跟動物合作？Day即表示：「好正呀，好有趣，今次係專登將隻羊運嚟拍攝現場，特別邀請佢嚟，好榮幸可以同羊合作。」
