【Now.com】由張衞健（Dicky）、許志安、蘇永康和梁漢文（Edmond）組成的BIG FOUR，即將在8月9至11日於紅館舉行一連三場「FWD富衛保險呈獻：BIG FOUR HAPPY TO SEE YOU ALL演唱會2025」，相隔12年再度合體，一眾歌迷引頸以待，掀起一輪搶飛熱。近日4子邀請同樣來自新秀的蘇志威及車婉婉一齊拍攝《BIG FOUR請食ReU飯》，互爆參加新秀時的秘密！許志安更自爆參加新秀是為了見一個人！？
相關報道：有片｜BIG FOUR八月登紅館放笑彈 林海峰任創意大腦為海報操刀 附演唱會詳情
BIG FOUR首次合體行山 為8月紅館演唱會熱身 揭Dicky百厭史激嬲梁漢文 許志安蘇永康食花生
沒有新秀、便沒有BIG FOUR，無論事業抑或四子的友誼，一切都是從新秀開始，日前四子邀請同樣來自新秀的蘇志威以及車婉婉，拍攝《BIG FOUR 請食ReU飯》，在銅鑼灣一間潮州菜館飯聚話當年。蘇永康解釋：「點解要嚟呢間潮州菜館，因為當年新秀總決賽完咗，我哋喺度慶功，所以呢度俾我哋好深印象，好值得回憶嘅地方。」
提到為何參加新秀？許志安更自爆：「其實我參加比賽係想見梅艷芳，但去面試時只係見到黎小田。」蘇志威還道出當年選完新秀，有一段時間是幫大師兄張衞健排舞兼伴舞，到後來才獲梅姐賞識，成為她的徒弟，當日草蜢要同大師兄各奔前程，四子更在排舞室抱頭痛哭。
6人之中，張衞健是第三屆新秀冠軍，是眾人的大師兄。蘇永康指當年為了買衫準備參加總決賽，在銅鑼灣利舞台開完會，便相約其他參賽者一起到佐敦買衫：「呢個師兄（指張衞健）全程跟到實，當時我覺得呢個師兄好好，好到不得了，照顧後輩，但原來只係照顧一個後輩啫！而詳情係點，我哋會喺節目入面，透露俾大家聽。」
梁漢文又分享，當年晉身十強後，雖未有名次，但當時只有十七歲的他，卻在比賽翌日接到華星唱片的來電：「當時我瞓喺上格床，我媽咪話：『喂！華星打嚟搵你喎！』我即刻仆落床聽電話，原來想搵我簽約，對方仲叫我帶埋阿媽，因為我未夠秤。」節目中Edmond更透露當年為他找到《不願一個人》、《纏綿遊戲》兩首經典名作的「伯樂」是何方神聖。
除了食飯話當年，眾人當日亦有玩遊戲，輪流估對方內心喜好次序。輪到張衞健，要大家估他演過最深刻的角色，選擇範圍包括：《西遊記》孫悟空、《大帥哥》狄奇、《我愛牙擦蘇》林甦、以及《鹿鼎記》韋小寶，最終無人估中，張衞健開估時忍不住說：「冇人了解我，好遺憾呢個世界，兄弟喎！」事後張衞健接受訪問時，不禁向三位兄弟詐型：「唔緊要，兄弟呢啲，少個咪少個囉！不過，show，一定照做。」
FWD富衛保險呈獻：BIG FOUR HAPPY TO SEE YOU ALL演唱會2025
日期：2025年8月9至11日
時間：8:15 PM
地點：紅磡香港體育館
票價：HK $1180/ 680 /480
公開發售：城市售票網 URBTIX
電話購票：3166 1288
