【Now.com】颱風樺加沙正吹襲本港，多區沿岸的水位今早（24日）普遍已上升至海圖基準面3.3米或以上，海水湧上行人路，捲起大浪的高度甚至高過人，不過將軍澳有男子無視政府呼籲站立岸邊，不時俯身打撈雜物像尋找失物，期間湧浪更一度險令男子失平衡，情況危險，網民紛紛批評男子行為自私，隨時危及自己性命之餘，亦波及拯救人員的生命安全。
有將軍澳居民在社交平台Threads發文指，鄰居目撃有男子在海濱岸邊站立，不時回頭張望及俯身打撈雜物像尋找失物，當時海水已淹沒岸上海濱長廊，並不斷有洶湧的大浪拍打上岸，期間一個大浪更一度淹過男子，更令他險失平衡，險象橫生。
樓主批評，惡劣天氣下仍有人不顧危險外出感受颱風威力，未有汲取昨日（23日）一家三口追風墮海的教訓，「打風不如就乖乖地留返喺屋企啦，尋日先有兩母子入咗ICU未出嚟，當緊值嗰班消防救護嘅屋企人都等緊佢哋平安返屋企㗎」。
不少網民抨擊男子行為危險及自私，罔顧自己及救援人員的生命安全，「每逢打風都好怕見到哩d（啲）人要我老公去救，可唔可以唔好出黎害人」、「又係自私既人」、「呢啲人真係有事唔好搵人救」、「啲浪已經高過佢成個人，都仲要繼續玩」、「可唔可以唔好咁痴線，陣間捲走咗又要人冒生命危險救人」。
PHOTO/ ma.kimmy@Threads
