【Now.com】有港男在網上發文投訴，指日前與媽媽在梨木樹光顧一間酒樓時，在沒有事前知會下被數名職員「成張枱秤起咗，搬走咗去第二個位置」，讓座予熟客。他非常不滿酒樓的做法，負責人提出免單，但他與其媽媽拒絕接受，並要求網民就事件評理。
事主Kenny於faceook群組「香港酒樓關注組」發文稱，8月31日與媽媽在梨木樹某間酒樓飲茶，下單後來了兩款點心之際，「突然間有酒樓職員強迫我哋搬第二個位置」，令Kenny大為震驚，「當時我們O晒嘴仲未有反應過來，有幾個阿姐過嚟成張枱秤起咗，搬走咗去第二個位置」。
他其後在留言補充指，職員將整張圓枱搬到另一張麻雀枱，「我媽老人家根本都唔夠高坐，之後我哋拍枱走人！」
隨後Kenny才得知職員突然搬枱的原因，「竟然要我哋讓張枱畀佢哋熟客坐，我個心情非常不滿意及不能接受」。
酒樓負責人其後提出免單，但他與媽媽拒絕接受，堅持支付已進餐的食物，以示不滿，最終他支付了72.5元。
Kenny批評，有關職員服務態度差勁，行為無視食客的感受，又指二人也是這間酒樓的老顧客，「我哋都係老街坊都未試過咁樣嚟招呼，佢有幾個新夥計做人處事唔能夠接受」，要求網民評理。
有網民直斥相關職員「可惡簡直不可理喻」，「走啦，當啲客唔係人？冇錢俾？」另有網民教路事主「坐喺度唔好郁，睇下佢哋夠唔夠膽抬埋你走。」
PHOTO/ Kenny Leung@facebook群組「香港酒樓關注組」
