【Now.com】超強颱風樺加沙逼近本港，市面出現食物「搶購潮」。有男子昨日(22日)在超市「狂掃」兩大車杯麵及叮叮點心，目擊者感嘆「太誇張了吧，打風都係打兩日遮…留返一個俾我買得唔得先？」。
該男子的行為惹來網民熱議，有人批評男子自私，但也有不少網民推測男子「大手入貨」原因，估計涉及善事或幫公司囤貨。
有網民在社文平台Threads上發文，指昨日在超市目撃一名男子，一人推着兩輛手推車，目測車上最少載有60個杯麵及4包冷藏食品。
事件引起網民熱議，有人批評行為自私，「杯麵都算啦，X街我想買低糖益力多都比人掃曬」、「應該似係COVID嗰陣時一個人買咗50支漂白水同滴露嗰啲自私L！」、「執輸行頭慘過敗家，香港人核心價值之一，可申請列入非文化物質遺產」，亦人揶揄「封城咩，咁誇張」。
不過另有網民認為男子為公司入貨，「我今日都掃左幾十個杯麵。但係我幫要當風更既同事買，如果有人拍左我片/相，請唔好放上網公審。」、「有好多院舍，打風都要當值，當值嘅職員閑閑地都10幾個，8號風球困住兩日，一箱杯麵比工友，可能有宿友都會食埋一份，其實真係唔係好多，可能只係剛剛好。 唔好以為打風出去儲糧嘅只會係一般家庭⋯⋯」、「淨計每幢保安都有工/商/住要24/7，有啲交更走唔到都要公司提供伙食，仲未計其他行業，仲要風係一兩日就走，但運輸線唔係一到落8號就100%恢復，天鴿山竹都要至少花幾日至一星期先搞得掂 。」
PHOTO/ eatgoodwesteatbadwest@Threads
