【Now.com】本港近期天氣不穩定，不時紅雨、黑雨。昨天（14日）早上就出現今年第五個黑雨，音樂人伍仲衡在社交平台發文，指他的太太原本當天早上覆診，但致電診所多次竟然無人接聽。從帖文中看到，他對此有點意見，但是不少網民就有另一種看法，認為伍仲衡欠缺常識、同理心，太自我中心。
天文台昨日早上7時50分發出黑色暴雨警告信號，直至11時10分改發紅雨警告，再於中午12時10分轉發黃雨警告。7分鐘後，即中午12時17分，伍仲衡就在Facebook 發文，指「伍太約咗今日11:45am覆診，由於黑雨， 今朝打電話去診所問吓開唔開，但係打咗5次都冇人聽， WhatsApp問又冇回覆……. 由於約好咗，我哋就照去， 滂沱大雨揸車由屯門出尖沙咀，結果去到診所……冇開！而家喺附近食緊午餐，診所都仲未有回覆」。
有網民認為伍仲衡的帖文反映他欠缺常識，「今朝7點50都已經掛黑雨，政府所有診所專科日間治療中心都唔開，更何況私家？其實打左成朝都無人聽真係好正常囉。11點10先轉紅雨，d姑娘醫生都要時間先返到診所咖，勞工處都話2個鍾內啦…..你係 (喺) expect 11點45有人service 到你….？？」
伍仲衡在帖文中指，「打咗5次都冇人聽， WhatsApp問又冇回覆……」網民就認為都係正常，「冇人返工梗係冇人聽啦！冇人返工咁公司WhatsApp梗係冇人覆啦！」、「無人聽電話同覆WhatsApp咪即係唔開囉」，直言Common sense is not common。亦有網民認為伍仲衡有車，滂沱大雨中都可以揸車由屯門出尖沙咀，但診所職員未必有車，可能他們迫緊地鐵、巴士返工，認為這不單是常識問題，更顯示伍仲衡欠缺同理心，太自我中心。
有網民更重提2023年，伍仲衡為《第21屆CASH金帆音樂獎》揭曉最後五強名單時，因連環讀錯歌手名字，被網民批評無準備、欠尊重，與樂壇脫節，今次再反映伍仲衡個人質素。
不過，亦有網民對伍仲衡表示關心，認為「可能佢真係好有需要，未睇到醫生咪會講得出呢啲嘢」。伍仲衡的一句「由於約好咗，我哋就照去」，表示他是個守承諾的人。
Photo / Facebook@伍仲衡 Harry Ng
