【Now.com】中環商場有大媽近日懷疑抱小童在廁所洗手盆上小便，被罵後還理直氣壯出言反駁。網民大罵行為離譜及極度嘔心；有網民更稱，商場職員「會喺度洗LUNCH BOX（午餐盒），真係多謝佢」。
有港女月初在社交平台Threads發帖，指在中環某商場的洗手間內目擊，一名女子抱起其小朋友在洗手盆上如廁，當港女問「做乜Ｘ喺鋅盤屙尿」，對方竟理直氣壯地回答：「你沒養過小孩嗎？」令港女驚訝得僅能回應「我無」，形容情況「好黐線」。
網民留言追問「之後呢？咁之後點？」，樓主無奈稱「無點，我想影清楚啲嗰時，前面黑衫女仔幫佢遮住唔俾我影」。
網民直斥行為離譜，有違公德，指「啲SHOP有啲職員會喺度洗LUNCH BOX真係多謝佢」，反問大媽與小朋友已身在廁所，為何不到馬桶如廁。
網民又教路港女如何反駁大媽：「我沒養過小孩，但我有教養！」、「我地香港的小孩有讀書，社會同學校有教」、「沒養過小孩，但曾經也當過小孩，媽媽都沒有讓我這樣做」。
PHOTO／healun_hatelate＠Threads
