【Now.com】成功於巴黎奧運衛冕花劍金牌的香港劍神張家朗今早凱旋抵港，於機場逐一回應記者提問，包括解釋「脷苔厚」的原因、回應獎金安排、最新戀愛傳聞，即刻睇下家朗點講！
全城關注男子花劍決賽一戰的同時，不少眼利網民留意到張家朗在比賽勝出一剎做出招牌伸脷動作時，他的脷苔顏色異常、偏厚，便關心起家朗的健康狀況。對此張家朗大方回應說：「脷苔係因為嗰日我食咗好多Gel要補充品，同埋飲咗好多能量飲品先會咁，應該唔係好關（濕熱）事。」
另外亦有記者問到張家朗對於獎金安排，家朗則回應表示至今都沒多想如何運用獎金，因為自己還在消化衛冕成功的情緒，及後會先檢視賽事中自己的表現：「都喺到諗梗自己有咩做得好或者做得唔好嘅地方，需要繼續去進步，繼續為之後的比賽努力。」
而全城關心劍神家朗似乎陷入新戀情，有指他正與26歲法籍女劍擊手兼醫科生Solène Butruille交往，張家朗則甜笑低頭冧講：「大家都睇到係啲乜嘢，我都冇咩嘢可以講畀大家知⋯⋯」
張家朗又表示返港後最想食「香港嘢」、最想「放大假」，指自己為備戰很早已飛往法國，所以十分想念香港的食物。亦因三年籌備奧運的時間，令自己生理、心理都十分疲憊，直言：「我需要一個大假」。
