【Now.com】出道大半年的樂隊ROVER，早前於尖沙咀舉行Fans club聚會，現場近200粉絲出席，四子感謝不少歌迷由參賽造星一直支持，同時亦感謝經理人寶姐照顧陪伴走過低潮，承諾會努力及聽話，最後四子爆喊，淚灑舞台，真情流露。席間，寶姐亦大爆四子秘密及陋習，將ROVER band房實況毫無保留地搬到台上，無懼脫粉。
今次聚會超過3小時，先有經理人寶姐大爆四子黑圖及陋習，笑言fans睇完可能會脫粉。被揭發的陋習包括：band房內亨仔在電子琴上留下染血紙巾、各人飲完遺下大大小小的膠水樽等，的確非常十分極度嚴重無手尾！
寶姐也透露四人在完比賽後，等待公司安排到組band心情的起跌及困難，隨即在ROVER準備唱出出道歌《秒速8公里》時，作為隊長的Kim已忍不住，眼泛淚光說：「呢首歌對我哋嚟講好重要，好代表到我哋一開始，開始我哋冇咩名氣，可能到而家都冇咩名氣，但好多謝你哋（fans）唔介意，好無私由造星支持我哋到依家。」希晉亦坦言每次唱《秒速8公里》，腦裡就好像走馬燈一樣，重現了由造星到組band的畫面，而眼淺的亨仔同時亦受到感染，感觸至眼濕濕。
ROVER由四位不認識，音樂底子也不特別深，到走在一起學作曲學夾band，以一起追尋音樂夢，沿路並不容易，但四子互相扶持鼓勵，終於走過各人最迷惘時間，好像希晉分享時便爆喊道出在《造星5》進入十強時，因給予自己過大壓力，終日以淚洗面，他說：「由細到大好少畀人讚，但到依家我有粉絲、四個兄弟、寶姐陪喺身邊，我之前唔識表達自己嘅情緒，但係我覺得入咗ROVER之後，我好開心，覺得依家係我人生入面最開心嘅時候！」
至於被在場fans聲言會力撐今年新人獎，Jason覺得要先感謝三位兄弟，因為加入ROVER，是讓他夢想邁進一大步，說：「自己最大夢想，就係一直以樂隊玩音樂到老死，加入咗ROVER正正就實現咗呢樣嘢，邊玩邊搵錢（寶姐：你搵到錢咩？）（現時）未搵到啫！」場面搞笑又溫暖。
最後，ROVER在獻唱最後一首歌曲《小伙子》時，借歌寄意集體爆喊，縱使面對未知的未來，仍然抱着堅持自己最大的理想，尤如樂隊ROVER的隊名一樣，繼續漫遊、探索音樂不同的未知領域。
