【Now.com】由張衞健、許志安、蘇永康和梁漢文組成的BIG FOUR，相隔13年再推新歌《赤子們》並拍攝MV，請到金像獎最佳剪接李謙明擔任MV導演。
MV其中一幕，四子以包揼方式分成兩隊大玩足球機，Dicky和安仔大戰阿公與Edmond。四佬玩得非常投入，張衞健更激動得舉起足球機的一邊，笑言是「三十六計，搬為上計」。阿公與Edmond最終以15比8獲勝，阿公更獲封「神射手」。他指着Edmond假裝生氣說：「呢個衰公最初Part到我時嗌『哎吔』，即係諗住Part到許志安就贏30比8？」Edmond笑言：「點都好，最唔想Part到你囉，但估唔到你係呢場波嘅『神射手』，入得最多係你。」
四子聚頭接受訪問，說起不少當年難忘回憶，Dicky更大爆90年代「大鬧」古裝街一事，Edmond聞言緊張問道：「呢單嘢講唔講得㗎？」Dicky說：「講得，我哋夜晚去古裝街玩，十個人分成兩邊，匿埋再追射…」安仔補充說：「周潤發、趙雅芝拍《上海灘》，周潤發衝入教堂嗰個位。（阿公大叫：程程！）就係撞爛晒嗰度啲玻璃。」
Dicky憶述當時的情況，說：「有人當咗自己係隊長，揸住支槍去到玻璃嗰度『轟』一聲，真係亨爆咗塊玻璃，再隊支槍出去話『一齊嚟！』我唔敢，呢個人係四個當中其中一個。」
安仔笑說：「成條古裝街地下都係BB彈。」Dicky再分享：「我哋試過『走鬼』，因為有保安聽到聲。」Edmond說：「佢揸架保安車入嚟，開個大燈照住我哋話『你哋好出嚟啦喂』，跟住張衞健匿埋喺車底，太多好笑嘢。」
相識多年共同經歷了很多，問到四位最不想BIG FOUR做什麼活動時，安仔直言謝絕與三位兄弟一齊影貼紙相，他說：「有啲尷尬，四個男人走入去個框框影相。」話口未完，阿公卻指BIG FOUR曾於日本影貼紙相，「90年代有次我哋四個去日本，嗰時有啲影相機，我哋四個迫入去影過一次，但張相就冇咗啦。」
