【有片】雲浩影新碟音樂會　逾400「迷雲黨」排長龍合照

【Now.com】雲浩影（Cloud）日前推出全新專輯「TOUCH OF ABSENCE」後，於西九文化區自由空間大盒舉行新碟音樂會，逾400張門票10分鐘火速售罄。由於是自由座，被稱為「迷雲黨」的Cloud 歌迷，一早到場排隊霸靚位睇騷，仲買限定版親筆簽名海報留念。Cloud在部分海報悄悄寫上祝福語或者畫圖案，成為特別版，買到的幸運兒都超開心。

當日Cloud 穿著白色長裙出席音樂會，以新碟作品《世界多了一個陌生人》、《慢性分手》和《引我笑》，為音樂會揭開序幕。Cloud說：「其實每一次表演前我都好緊張，點解會咁緊張？係咪我不能夠勝任呢？後來我發現因為我好在乎大家、好在乎每一次演出。我好開心今日同大家分享，第一次有機會唱咁多首歌。」

Cloud 演唱輕快作品《DIZZY》和新歌《雲的自述》，她之後自彈自唱《To Let A Good Thing Die》前表示從未公開表演，顯得有點緊張，彈了一句便要求從頭開始，觀眾報以掌聲和歡呼聲打氣。

Cloud唱出大熱作品《回憶半分鐘》，將氣氛推上高峰，觀眾齊齊揮動手機燈海。最後她演唱即將派台、第一次公開表演的新碟歌曲《你在我不遠處》，她感觸地說：「我好少分享TGgroup嘅link，好開心呢個小家庭越嚟越大嘅時候，仍然令我感到安心，我仍然覺得呢個係一個避風港可以同大家分享，我自己亦都好安心去做自己。」並表示這新歌是為歌迷而唱。