【Now.com】Cloud雲浩影全新作品《我們還有幾多時間》早前拍攝MV，邀請了新一代型男Model仲佳佳（Pete）擔任男主角，雖然Pete拍過不少MV，但今次應導演要求拍攝跟Cloud鬧交的場面，演戲經驗不多的他，試戲時表現緊張，溫柔貼心的Cloud於是要求清場，讓Pete能夠全程投入拍攝。
高大又靚仔的Pete以往拍過不少MV，但要在MV內演戲，卻是第一次，還要跟Cloud有不少擁抱和拖手的親密舉動。Cloud說：「因為今次MV我哋都有啲親密嘅舉動，都feel到Pete好緊張，但經過咗一日嘅相處，大家都好開心，希望出來嘅成品好好睇。」
面對鏡頭訪問也表現緊張的Pete，問他如何克服，Cloud對他有什麼鼓勵？他靦腆的說：「佢（Cloud）有喺休息時間同我講，你舒服就好，唔需要做太多動作，諗番轉頭都係。」
《我們還有幾多時間》MV故事講述Cloud與Pete一直希望一起出國進修，奈何只有Pete被校方取錄，不想丟下另一半的他，寧願放棄大好前程，反而Cloud覺得對方想法幼稚，兩人因此意見不合。
當日早上主要拍攝二人拍拖的溫馨場面，怕醜的Pete未敢隨便觸碰女神，即使是一個簡單的擁抱鏡頭，也要Cloud反過來採取主動說：「我哋係專業嘅演員嚟㗎！」
到下午，二人拍攝Pete不想丟低Cloud出國進修，導致二人鬧交的戲份，導演琪琪一直細心地指導每句對白和細節，但正式拍攝時，Pete明顯未能完全投入，貼心的Cloud見狀，立即要求清場，當現場二十多名工作人員逐一離開，Pete也開始變得放鬆，終於做到導演的Good Take要求。
「其實可以再做好啲。」Pete為自己表現評分，身旁的Cloud馬上鼓勵說：「我覺得你已經做得好好，可能佢第一次做戲，現場又有咁多crew喺度，會有一定嘅壓力。」
