【Now.com】超強颱風樺加沙逼近香港，天文台預告對廣東沿岸構成相當威脅，提醒市民要做好一切防風防水浸準備。鄰近的深圳和澳門均呼籲民眾提前儲至少3天糧水。
港人亦「超前部署」提早數天搶購糧水，百佳、惠康、Aeon等超市的菜、麵包、杯麵等食物被搶購一空，有網民笑言「呢啲就係叫做打風經濟」。
樺加沙來勢洶洶，按中央氣象台評估，樺加沙昨早（21日）最大風力達16級，即中心附近最高持續風速每秒51至56米或每小時184至201公里，成為今年以來西北太平洋的最強颱風，預料星期三（23日）廣東沿海登陸。到11時中央氣象台已錄得其最大風力達17級，為風力級別最高級別，與天文台預測其中心附近最高持續風速日內更會升至每小時220公里吻合。
雖然樺加沙仍未最接近本港，但不少市民昨日（21日）已趕到超市搶購糧食及食水。大批網民在社交平台上載相片，顯示百佳、惠康、Aeon等不少超市、商戶貨架的蔬菜、杯麵、麵包等食物被搶購一空。
上載相片的網民留言感嘆，「唔講以為聽日打風。（星期三先係）」、「嗱……呢啲就係叫做打風經濟」、「香港人嘅防風能力真係不可輕視，諗住去買棵菜，點知見到啲貨架有啲慘不忍睹，啲菜仲要好貴……$40，我諗應該買咗total半斤」。
不過有網民反駁指，「其實星期一二，大家都要返工， weekend 買定一兩日都正常，有乜咁驚訝？??」、「買定差不多啦，你仲未計呢個風有機會做成道路癱瘓，到時連供應物資既輸送鍊都有問題，山竹果時有版你睇啦，呢個風唔可以輕視」。
PHOTO／manziyu5089@Threads、olivia__leung@Threads、supermarket.oops@Threads、____rh@Threads、wingwongbm@Threads
