【Now.com】升中派位結果日前放榜，油蔴地天主教小學（海泓道）小六學生的受訪片段成為全城熱話。香港航空藉機「抽水」，在社交平台宣布為片中三位學生送上機票，兼同步推出新的首爾來回機票優惠。
香港航空昨天（11日）在社交平台「抽水」，發出尋人啟事，表示要尋找油蔴地天主教小學（海泓道）受訪影片中的三位小六學生及其家長：「香港航空都想獎勵吓三位咁努力嘅同學仔，為你哋送上機票，請你哋一家去旅行！」香港航空解釋指：「讀書係你哋嘅本份，為你哋製造快樂回憶都係我哋本份！」
不少網民都大讚香港航空好識做，留言：「呢個PR勁！」、「讀書咁辛苦，全力支持 香港航空抽得靚」、「小編好正，比個讚你」。此外亦有網民關心機票詳情：「包唔包父母同行李先？」、「包唔包行李？」、「飛去邊先？」香港航空小編一一詳細回應，指是次送機票包3位同學、家長、兄弟姊妹任何自營航班來回機票，連20kg寄艙行李、兩件合共7kg手提行李，以及免機場稅及燃油附加費，務求要三位同學玩得開心。
除了送機票給三位同學外，香港航空亦同時推出新機票優惠，首爾來回機票劈至連稅$1,359起！最快可9月出發，避開暑熱外，11月又可以出發睇紅葉，$1,779起包20kg行李，更可早機去、午機返，十分吸引，有興趣趁秋天到當地賞楓的讀者們要把握機會喇！
相關報道：升中派位今日放榜 有小學校長相信高才通等子女插班致競爭較大
PHOTO／Hong Kong Airlines 香港航空
