抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶搜尋量最多港股，依次為萬科企業、建設銀行、新世界發展、康方生物及中國鐵建。
雖然新世界今日冇消息，但政府上周五(15日)公布經濟增長數據時，曾提及本港樓價上季累跌5%，同期租金再升2%，非住宅物業市場就持續疲弱。此外，雖然上周五公布嘅中原城市領先指數(CCL)連升兩周，但繼續喺8年低位徘徊，減息作用係咪不似預期？
富昌證券聯席董事譚朗蔚指，有兩個因素困擾本地地產股，首先係息口，市場會借機炒息口敏感嘅地產股，但美國聯儲局主席鮑威爾(Jerome Powell)上周話唔急於減息，事實上，自從聯儲局9月大手減息0.5厘後，市場對聯儲局再減息嘅預期一直降溫，令地產股對減息嘅憧憬破滅，其次係本港樓市未有見底回升跡象，喺呢兩個因素夾擊下，包括新世界在內嘅本地地產股，早前因減息而炒起嘅升幅，依家都已經蒸發晒，佢又話，現時樓市嘅情況支持唔到地產股嘅升勢。
