比寧咸再次做皇馬救星。
(©AFP)
【Now Sports】周三歐聯C組，皇家馬德里憑比寧咸再次尾段射入致勝球，主場險勝柏林聯1:0。
皇家馬德里繼續由比寧咸（Jude Bellingham）踢10號位，支援雙箭頭荷西路、洛迪高，中場老大哥摩迪今季僅第二次擔正。柏林聯中堅邦奴治從祖雲達斯來投後上演地標戰。
雖然初戰歐聯兼作客班拿貝，但柏林聯的壓迫十分進取，令皇馬沒有太多空間，上半場最佳機會來自6分鐘，盧卡斯華斯基斯傳中，荷西路僅頂斜。柏林聯的也差點憑頭槌士哥，但比倫斯接應尤蘭洛域的傳中頂高，兩軍半場踢成0:0。
皇馬易邊後加強進攻力度，51分鐘，盧卡斯再度傳中，洛迪高窩利射中近柱彈出，12分鐘後輪到洛迪高傳中，荷西路施頭槌，雲奴撲出再中柱。皇馬不斷施壓，摩迪於70分鐘勁射，雲奴用指尖托出底線。補時4分鐘，比寧咸再次做皇馬救星，費達歷高華維迪起腳省中兩名後衛，雲奴已落地，比寧咸把握機會射入，皇馬小勝柏林聯1:0。
A組的哥本哈根靠艾利安路斯、迪奧高干沙維斯各建一功領先2:0，但之後有兩人被逐，9人應戰下被主場的加拉塔沙雷連追兩球逼和2:2。