0
0
【十三短打】C朗愛恨了斷合時

【十三短打】C朗愛恨了斷合時

【十三短打】C朗愛恨了斷合時

【Now Sports】好心分手、不拖不欠,基斯坦奴朗拿度同曼聯分手,並唔令人意外,而喺決賽周期間,尤其係葡萄牙準備展開世界盃征途前嚟個了斷,對任何人都有好處。走得合時。

撰文:球十三

「若注定有一點苦楚,不如自己親手割破……」歌仔都有唱,基斯坦奴朗拿度(Cristiano Ronaldo)同曼聯嘅分手局面,早喺C朗受訪連番發表爆炸性言論注定,只係遲早問題。唔敢斷言萬人迷舊年夏天回歸紅魔係錯,始終喺英超入18球,有功有勞,只可以話係時間上嘅錯配。當時主帥蘇斯克查苦心經營一支後起具活力嘅大軍,向「前」行緊,會方堅持搵番個做過佢隊友,但逐漸遠離高峰嘅巨星空降,係行番轉頭,向「後」倒褪。

唔知邊個錯,起碼係時間上嘅錯。

曼聯去季前4不入固然失敗,換嚟係根本唔鍾意行巨星路線嘅坦夏,斷唔會再令球隊遷就C朗,萬人迷被投閒置散實屬必然。再拉扯落去,冇人有好處,總有人要先行一步嚟個了斷。之後發生坦夏想喺比賽垃圾時間換入C朗,C朗唔就範提早離場,已經覆水難收,大家行動上都有一個要先行,達成分手共識。

C朗何許人物!縱橫球壇甚至商界多年,當然識玩,主動搵個名嘴老友安排個訪問,咁高姿態鬧球會、鬧坦夏,曼聯冇辦法唔回應。話C朗冇耐性又好,做醜人都好,決意「親手割破」愛恨纏繞。

終於分手啦,呢個結果係有啲可惜,但即將踢世盃嘅C朗唔使再分心,對葡萄牙當然有好處;曼聯亦可趁呢個空檔再籌組。球迷又點?十三問過幾個追捧紅魔好多年嘅老友,亦有睇相信係曼聯球迷嘅網上留言,當然有人鬧C朗或者曼聯,但大致同意呢刻分手係好事,亦有唔少人多謝同祝福C朗,毋忘佢多年嚟對曼聯嘅功績,再見亦是朋友。

「但慶幸尚能發現,在印象尚留紀念,每一刻都記得,你甜蜜過的臉……」容許十三呢個中年人又借用另一首歌詞,嚟個首尾呼應。

撰文:球十三

足球迷叫第十二人,冇偏愛,冷眼旁觀係十三。

圖片來源 : ©AFP

  1. 更多
  1. 跨境中學生最快2月6日可免配額來港上學
    跨境中學生最快2月6日可免配額來港上學
    58分鐘前
  2. 內地春節假期全國國內旅遊人數逾三億人次 按年增二成三
    內地春節假期全國國內旅遊人數逾三億人次 按年增二成三
    3分鐘前
  3. 日本數百間高中大學收到炸彈恐嚇 警方展開調查
    日本數百間高中大學收到炸彈恐嚇 警方展開調查
    46分鐘前
  4. 日本政府決定五月初將新冠病毒降至流感同級
    日本政府決定五月初將新冠病毒降至流感同級
    50分鐘前
  5. 【1月27日疫情速報】(17:40)
    【1月27日疫情速報】(17:40)
    1小時前
  6. 據報日本及荷蘭將限制對華出口半導體製造設備
    據報日本及荷蘭將限制對華出口半導體製造設備
    1小時前
  7. 特區政府強烈不滿和堅決反對美國政府涉港備忘錄
    特區政府強烈不滿和堅決反對美國政府涉港備忘錄
    2小時前
  8. 立場新聞案 鍾沛權指多次被點名批評 決定將約3.5萬篇文章下架
    立場新聞案 鍾沛權指多次被點名批評 決定將約3.5萬篇文章下架
    2小時前
  9. 本港增2335宗新冠確診 多22名患者離世
    本港增2335宗新冠確診 多22名患者離世
    2小時前
  10. 南韓延長暫停向中國公民發短期簽證至下月底
    南韓延長暫停向中國公民發短期簽證至下月底
    2小時前