0
0
【鏟草男女】西甲不如考慮5點場……

【鏟草男女】西甲不如考慮5點場……

【鏟草男女】西甲不如考慮5點場……

【Now Sports】作為一個皇家馬德里球迷,西甲時間偏向美洲市場,所以半夜起身睇波係家常便飯;但十年後嘅我發現,真係好難起身……特別係冬天。最近皇馬變得好多場都踢香港時間凌晨3或4點,呢季開始我已經極少準時起身睇波,好彩依家手提有重播功能。

撰文:June

其實我明白西班牙夏天好熱,特別馬德里係內陸更加熱,要球員踢早場真係好辛苦。隱約記得,以前都仲有香港時間10點或12點場,依家皇馬比賽已經好少見。仲記得,前季真係好夜先開波,連卻奧斯都出post 話「正常我已經瞓咗」。

前幾日見到皇馬喺國際賽周之後4場都係3點,同球迷傾開計發現為咗身體同份工著想,大家都開始忍痛放棄3或4點場,因為睇完波5或6點瞓返又唔係,唔瞓又成日唔冇精神;而我同部份球迷更開始喺起身時熄晒所有手提電話通知,返工途中睇返playback。可能你會覺得冇即時睇咁開心,但唔知賽果嘅情況下,都其實幾緊張。不過有時都會俾人「劇透」,例如歐洲國家盃期間:有次搭車時見到球迷著一件舊英格蘭波衫出嚟......就知唔使睇重播啦,一定係英格蘭贏咗;或者有次唔記得熄Facebook Messager,有朋友會pm 你問,「點解法國會輸……?」所以之後我睇比賽都會熄晒手提所有通知!

講返比賽時間,如果西甲想就美洲市場其實可以考慮10月30號冬令時間後,直接將比賽推到當地10點先開波,即香港時間凌晨5點(加州下午2點),香港睇完差唔多7點,食個早餐再返工就完美。呢個方法仲可以就埋其他同香港同時區嘅地方,計落西甲都有著數。總好過依家打吡咁,一場大戰遷就美洲市場3或4點開波,一場大戰遷就亞洲市場10或11點開波,兩邊都唔討好,連續幾星期都3點,自己球迷都辛苦到想放棄。西甲唔再搞搞佢,真係好難叫其他人睇西甲呢。

撰文:June

旅皇迷一名。喜歡旅行,喜歡足球;享受在場邊搖旗吶喊,經歷足球的喜怒哀樂。

歡迎瀏覽球十三fb專頁若得到波友一個like就是我們團隊的一大鼓舞:

www.facebook.com/ballthirteen

圖片來源 : ©AFP

  1. 更多
  1. 迪拜健力比賽錯播國歌 港協暨奧委會要求調查並提交報告
    迪拜健力比賽錯播國歌 港協暨奧委會要求調查並提交報告
    14小時前
  2. 【12月3日疫情速報】(23:25)
    【12月3日疫情速報】(23:25)
    4小時前
  3. 網傳北京清拆部分核酸檢測站 民眾指檢測站減少 輪候時間更長
    網傳北京清拆部分核酸檢測站 民眾指檢測站減少 輪候時間更長
    6小時前
  4. 神十四太空人周日返回地球 東風著陸場迎接首次夜間低溫返回
    神十四太空人周日返回地球 東風著陸場迎接首次夜間低溫返回
    6小時前
  5. 特區政府就國歌出錯強烈不滿 有組織罪案及三合會調查科接手調查
    特區政府就國歌出錯強烈不滿 有組織罪案及三合會調查科接手調查
    6小時前
  6. 【附連結】35個地方納入強制檢測公告 (12月3日)
    【附連結】35個地方納入強制檢測公告 (12月3日)
    7小時前
  7. 網傳北京清拆部分核酸檢測站 民眾指檢測站減少 輪候時間更長
    網傳北京清拆部分核酸檢測站 民眾指檢測站減少 輪候時間更長
    7小時前
  8. 沈春耀:基本法原意是堅持行政主導 並非三權鼎立
    沈春耀:基本法原意是堅持行政主導 並非三權鼎立
    8小時前
  9. 網傳北京清拆部分核酸檢測站 民眾指檢測站減少 輪候時間更長
    網傳北京清拆部分核酸檢測站 民眾指檢測站減少 輪候時間更長
    9小時前
  10. 本港新增10111宗新冠確診 許樹昌:新冠確診料未來一兩周見頂
    本港新增10111宗新冠確診 許樹昌:新冠確診料未來一兩周見頂
    9小時前