【Now Sports】颱風「獅子山」襲港，香港今個周末長時間掛起8號風球，香港羽毛球代表伍家朗就在風雨中成功抱得美人歸。
伍家朗今（周日）於社交媒體宣佈向女友Charlotte成功求婚的喜訊，並高調放閃：「一齊左（咗）6年半終於都嚟到哩（呢）一日，今次可以話係最成功既（嘅）surprise。竟然可以呃住你呃到儀式前一刻先開估……」整個求婚環節，最令身穿型格西裝的伍家朗意外的是：「更加估唔到係我讀台詞讀到1999（一舊舊）你都忍唔住喊左（咗）！」
香港昨日長時間高掛8號風球，於酒店求婚的伍家朗坦言：「8號風球之下staycation求婚真係嚇到一額汗，一早plan定既（嘅）野（嘢）差啲因為個颱風而被破壞晒。」幸而有Charlotte好友鼎力相助，「由頭到尾都咁上心，落心落力幫我策劃同籌備」，才讓求婚順利進行。
伍家朗同時又感謝酒店、花店、西裝公司、場地佈置的工作人員及攝影師，在他們的協助下才能「將個儀式做到120分，令到女朋友非常之滿意」，並讓自己「着到咁有型去求婚」。
伍家朗在本月稍後時間將重返賽場，到歐洲出戰丹麥公開賽和法國公開賽。
圖片來源 : Facebook圖片