【Now Sports】香港羽毛球代表李卓耀於剛過去的兩站泰國公開賽均打入8強,取得不俗成績,24歲的他表示滿意近期表現,同時大讚賽會今次安排做得好,很值得香港借鏡。
於兩個泰國站都殺入8強的李卓耀,目前仍然留在泰國,一方面陪伍家朗操練,另一方面本身亦可繼續練習。對於今次泰國賽的表現,李卓耀說,「真心講,我係滿意自己嘅表現,達到嚟之前嘅目標。我嚟到打咗第1場比賽後,其實係將目標提高咗,因為目標係想入4強,因為入到4強就可以去到總決賽,真係差好遠,所以有啲可惜。」
重提第二站泰國賽8強戰對丹麥老將域廷侯斯的爭議球,李卓耀亦有反省,「係有啲可惜,呢個就係比賽,都要接受呢個現實。當下係好嬲,嬲到掟拍,但係始終你控制唔到裁判嘅判決。唔開心最多係嗰一日,第二日其實都冇事,都過咗去、已經輸咗。諗返其實嗰分都係輸19:20,人哋仲未贏,其實正面少少咁諗就係,自己都未輸,如果真係有實力嘅話,係可以追返上去。」
總括而言,完成兩站比賽後,李卓耀滿意今次比賽安排,唯一問題是隊友謝影雪/鄧俊文要自行退賽。整體而言,他認為球員都只是在球場、酒店和房間穿梭,大會在防疫上都做得很好,盡量避免不同代表隊的球員有接觸機會,這方面很值得香港學習。
經過兩站泰國公開賽之後,世界羽聯巡迴賽總決賽明日續於泰國曼谷上演,香港代表伍家朗被列入B組,同組對手有中華台北球手王子維、丹麥球手安達斯安東臣及印度球手傑達比,Now TV 631及635台將直播賽事,大家繼續一齊撐起港隊!
世界羽聯巡迴賽總決賽
Now TV直播賽程
27/01 12:00 小組賽 (631/635)
28/01 12:00 小組賽 (631/635)
29/01 12:00 小組賽 (631/635)
30/01 11:00 4強 (631)
30/01 18:00 4強 (631)
31/01 14:00 決賽 (631)