【Now Sports】香港「一哥」伍家朗在泰國羽毛球公開賽第1站勇奪亞軍，賽後家朗表示滿意今次成績，並表示首次打入1000系列賽決賽，「都係一個幾大嘅突破」。
伍家朗在泰國羽毛球公開賽第1站，面對多場硬仗殺入決賽，先在首圈輕鬆擊敗荷蘭球手哥利奧；之後在16強以局數2:1擊敗中華台北球手王子維；8強以局數2:0淘汰隊友李卓耀；4強戰更反勝中華台北的2號種子周天成2:1，雖然在決賽不敵丹麥球手艾素臣，與職業生涯首個世巡超級1000系列賽冠軍擦身而過，但家朗表示對成績感到滿意。
家朗說：「都滿意，始終啱啱復賽，同埋場場都係硬仗，可以頂得落嚟都唔容易。而且係第一次入1000級別嘅決賽，所以都係一個幾大嘅突破。」對於連日來得到不少香港球迷支持，26歲的他表示，「好多謝球迷連日嚟嘅支持啦，好想同佢哋講，雖然未必可以逐一回覆答謝佢哋，但其實全部我都收到晒，你哋嘅支持畀到我好大動力。」
世界羽聯巡迴賽重啟完成泰國公開賽首站後，緊接本周同一場地續演第2站比賽，繼而在27至31日上演世界羽聯巡迴賽總決賽。對接下來的賽事有甚麼期望時，目前男單世界排名第8的家朗謂，「都係諗住一場一場咁打，都係冇特定目標，而且總決賽嘅資格依家都穩，所以相對壓力冇咁大，希望喺場上做好自己就可以。」
港隊首日賽程：
混雙：鄧俊文/謝影雪VS潘保亞柏/歌柏（泰國）
女單：張雁宜VS李文珊（加拿大）
男單：李卓耀VS哥利奧（荷蘭）
泰國羽毛球公開賽（第2站）
Now TV 直播賽程
19/01 10:00 32強 (631及635台)
20/01 10:00 32強 (631及635台)
21/01 10:00 16強 (631及635台)
22/01 12:00 8強 (631及635台)
23/01 12:00 4強 (631台)
24/01 13:00 決賽 (631台)