【now.com體育】曼城在球場上遇神殺神，球場外球隊的市場部亦進取到極，繼上周紀錄片上架後又有新搞作，推出智能手帶。
這款藍色手帶名為Fantom，盛惠79.99鎊，據說是「世上首條足球智能手帶」。戴上之後，球迷可以接收曼城的即時資訊，包括開波時間倒數、即時比數、突發新聞等，還可以憑手帶參與各種投票，例如選出每場最佳球員，亦可以考考自己，玩下「得忠粉先識答」的問答遊戲。
「Fantom係為你哋呢啲真正嘅忠粉而設。無論係晌觀眾席，定係晌酒吧，又抑或係開緊工，Fantom都令你哋更加貼近曼城！」曼城官網的宣傳說。
據知產品開發時其他球隊也有興趣，但最後只有曼城「成功推出」，但是否吸引就見仁見智。
上周曼城已推出共8集的紀錄片，要收看盛惠10鎊，今次推出手帶曼城忠粉恐怕又要破費。