0
0
〈娛樂乜乜乜〉致王賢誌主席:禮樂崩壞 靠你還死者一個公道

〈娛樂乜乜乜〉致王賢誌主席:禮樂崩壞 靠你還死者一個公道

【Now.com娛樂】王賢誌主席你好,聞說你任期快完,好似係呢個月內嘅事。任期就快完先出單大事要你處理,在情在理,都應該係一件幾火滾嘅事。

我相信你唔認識自殺死咗嗰位老師,我都唔認識,但希望你都理解我哋嘅憤怒。而家講緊一個封閉嘅制度,一個教師死咗,可能係被校長逼死嘅,而其他人就算查到結果,都完全無辦法郁佢,而佢只不過係一個區區校長!成件事根本唔合理!

所以我哋只能靠你。唔好意思好似所有嘢都要你一力承擔,但除你之外,無人肯面對呢件事,邊皮都唔想掂。呢一刻,你係含冤老師嘅唯一希望。

你自己都係一個Fighter,有錢人中,相信你都係少數感受過社會唔公平嘅人。你有平權嘅基因,同時有成個東華三院上上下下咁大嚿官僚物體做對手,我明白你嘅難處。

但真係唔可以等喇,若果唔呢幾日處理完,嚟緊卸任,換屆,蔡榮星上任,搞一大輪,件事可能被淡忘,而我哋亦唔敢寄望你繼任人一定有你咁有heart。

請務必用你嘅一切能力,在呢幾日內查明事件並公布,還死者一個公道。

呢個唔係要脅,唔係逼迫,而係一個懇求。禮樂崩壞,無人可靠,否則都唔想搞到你。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

 

魯連FB專頁::https://www.facebook.com/lolinhk
  1. 更多
  1. 全港中小學及部分特殊學校明天復課
    50分鐘前
  2. 「收納女王」近藤麻理惠在美國設網店
    21分鐘前
  3. 林大輝籲留守者把握機會離開理大
    26分鐘前
  4. 美國國會報告批華府未能阻止中國竊知識產權
    25分鐘前
  5. 中央黨校副校長謝春濤稱應加強中國憲法教育
    29分鐘前
  6. 理大內示威者:憂被捕後受武力對待跳渠離開
    1小時前
  7. 港澳辦︰禁蒙面法裁決公然挑戰人大常委權威
    1小時前
  8. 曾鈺成︰無幫助達官貴人子女離開理大
    1小時前
  9. 林鄭月娥︰仍在評估區選能否如期舉行
    1小時前
  10. 林鄭月娥:不用過分解讀駐軍清理路障
    2小時前