【Now.com生活】「任何仁」（英文名Anyone）一夜成名，有人話佢似阿凡達，又有人話佢似睇日本AV中的「特別角色」，其實任何仁「出道」已經三個月，出道作已經同羅蘭姐合作，之後又請來新聞小花鄭萃雯擔正做女主角，連「冷面笑匠」劉以達都來客串，果然有消防處做後台待遇都唔同啲！
「深度、深度、5cm嘅深度」－小編個腦成朝Loop住呢句，就係來自任何仁嘅處女作！三個月前的任何仁捧住個大肚腩、仲有「肥仔波」，同羅蘭姐Rap住做心外壓，小心洗腦 ↴
任何仁之後迅速減肥成功，仲疑似反串著女裝，與鄭萃雯、劉以達教用AED自動體外心臟去顫器 ↴
據悉兩條片段中，除了羅蘭、劉以達、鄭萃雯之外，其餘都係由救護人員飾演，至於片中的蕭粵中醫生更是消防處醫務總監！腹肌，有幾難練呢？睇多幾次就笑到出腹肌啦！
