0
0
〈豬事八卦〉睇兩眼-寶豬姑娘

〈豬事八卦〉睇兩眼-寶豬姑娘

【Now.com生活】電話響起~
我:「你好~乜乜診所」
對方係一位女士:「你睇唔睇我個仔個龜頭呀?」
無啦啦做咩畀你仔仔我睇...

我:「係咪佢有咩唔舒服呀?係嘅話嚟睇醫生啦~」
佢:「佢個龜頭嗰度好似生暗瘡呀,咁細個就生暗瘡㗎咩?」
我:「你都要帶佢嚟畀醫生睇啊,電話度講都唔知係咩嚟㗎~」
佢:「暗瘡呀嘛!我咪講咗係暗瘡囉」
你要自己診症嘅仲打嚟做咩先~你咪抆PAT暗瘡膏上去囉。

我:「你覺得係啫,醫生無睇到係咩嚟呀嘛~穩陣起見就同佢嚟睇醫生啦」
佢:「唔痛唔盛要睇醫生㗎咩?」
我:「咁睇咗你會安心啲嘛,至少知道係咩嚟先呀~」
佢:「會唔會係包皮太長焗到生暗瘡呀?」
我:「太太,我喺電話度畀唔到其他建議你啊,亦無辦法同你討論病情~」
佢:「我自己講吓啫」
你不如收線之後再慢慢自己講呀?

我:「哦~係呀?咁你記得同佢睇醫生啦喎」
佢:「醫生可唔可以係咁依睇兩眼㗎?」
咩叫係咁二睇兩眼?一,二,合埋眼。咁呀?

我:「嚟得睇醫生嘅,醫生都會好好認真檢查嘅,我哋醫生唔會係咁依睇兩眼就算㗎」
佢:「哎呀,睇咁耐嘅話我個仔仲有得剩嘅?」
…你以為醫生對眼有鐳射嗎?望幾望就會著火呀?

我:「…檢查咋喎?醫生唔會對你個仔做啲咩啊~你都可以喺度睇住醫生檢查嘅」
佢:「哎~唔睇呀唔睇呀」
嘟。
太太,我哋係咪有咩誤會呀?

文:寶豬姑娘
(中女珍寶豬,任職診所助護超過十年,經常使用逆向思維參透世事,包括⋯⋯細閱大家姐。)

〈豬事八卦〉逢周三刊登
專欄屬作者個人意見,不代表本網立場

寶豬姑娘FB專頁::“https:/www.facebook.com/jumbopig14/"
  1. 更多
  1. 消息:土供小組列八優先發展選項包括棕地
    7小時前
  2. 英國公布白皮書交代脫歐後入境政策
    30分鐘前
  3. 海關打擊健身中心不良營商手法拘四人
    50分鐘前
  4. 食安中心:所有內地活豬供港場未受疫情影響
    55分鐘前
  5. 柯文哲重提兩岸一家親
    1小時前
  6. 郭紹傑靖國神社示威案 當地法院押後裁決
    1小時前
  7. 【政情】土地大辯論 搵地選項排行榜消失?
    2小時前
  8. 田北辰:初步發現紅磡站有3支鋼筋疑被剪
    2小時前
  9. 律政司回覆司長休假一般毋須刊憲
    2小時前
  10. 內地非洲豬瘟疫情蔓延至珠海
    3小時前