0
0
【自己的樹自己救】處理塌樹要知的兩三事

【自己的樹自己救】處理塌樹要知的兩三事

【Now.com生活】山竹襲港,一地冧樹。唔少市民自發清理,鋸斷塌樹。自行清理時除咗要注要安全,仲要留意以下幾點。

1/公家地方一條木都唔執得
咁樣有機會干犯「盜竊罪」!根據法例,任何人未經批准擅自摘取屬於政府財產的植物,即屬非法地佔有他人的私人財產,干犯「盜竊罪」。所以執走公共地方嘅樹木,係犯法㗎!如果樹木種植於私人地方,都要詢問或通知有關業權人士。

2/ 唔係棵棵樟樹都可以驅蟲
坊間有人以為樟樹等同樟腦,可以驅蚊蟲。見到樟樹就蜂擁去鋸樹。不過草途木研社負責人阿Yan指,唔係每種樟樹都有驅蟲作用,要經提煉當中成分先發揮到。而且,部分樟樹有毒,要慬慎處理。

3/ 應該點存放木頭?
Yan建議除去樹皮後,將木頭打直放於通爽位置,畀木頭水份揮發。大家亦可以定期轉動木頭,令水份均勻分佈及揮發。

但佢提大家唔好畀木頭直接吹風或暴曬,咁樣做會太快抽乾水令木材裂開。如果想效果更好可以於木頭端面塗白膠漿/木膠/蠟/漆,令收水會收得更靚更少裂紋。

4/ 可以點重用木頭?
以天然方法風乾一般要等2、3年,先可以重用,實際要視乎木材直徑大細。最簡單嘅做法,可以將已經風乾嘅木頭打磨,當小木凳咁用。Yan提醒大家風乾後,都要繼續留意木頭有無出現蟲蛀、發霉等問題,好好保養。

另外,如果執到木頭但無地方存放,可以送去Yan嘅木庫實體站(地址:牛棚1a space 「工藝重索」)。佢對於大量樹木枝條要被送到堆填區感到無奈,佢促請當局可以盡快設立處理妥善系統,以免浪費可重用木材。

文:陸永東

  1. 更多
  1. 警方在青嶼幹線收費廣場巴士站旁拉起封鎖線
    2小時前
  2. 有網民到新城市廣場發起罷買活動
    2小時前
  3. 巴黎黑衣示威者堵路縱火破壞
    3小時前
  4. 鄭若驊籲珍惜法治
    4小時前
  5. 警方嚴厲譴責屯門衝突有人圖搶配槍
    4小時前
  6. 防暴警察青衣站截查黑衣青年
    4小時前
  7. 醫管局︰昨示威衝突中共15人送院
    5小時前
  8. 法國黃背心示威百多人被捕
    6小時前
  9. 颱風塔巴逼近日本料趨向九州北部
    6小時前
  10. 記協︰警對記者提質疑 盼能有實質證據
    6小時前