0
0
【世界盃】睇波的禮儀 避免4個常犯錯誤

【世界盃】睇波的禮儀 避免4個常犯錯誤

【Now.com生活】世界盃開鑼,又係瘋狂睇波嘅時候!個個都睇波,唔通個個都識睇波咩!?所以小編為睇波、唔識睇波同唔睇波嘅你提供小貼士,唔好犯以下錯誤!

1) 咩都鬧一餐
睇波當然要投入,但如果球員由小失誤到失波,咩都鬧一餐,睇到咁燥就會影響自己影響人,幾無癮呢!如果一齊睇嘅朋友支持你鬧個隊!仲可能發生口角,睇波睇到傷感情就唔好啦。最慘係如果畀人串一句:「咁勁!你又唔落場踢?」咁就最尷尬!

2) 睇波「劇透」
睇波同睇戲一樣!千祈唔可以劇透!有時因為訊號傳播速度唔同,球賽畫面接收有快有慢!如果一個唔覺意係Group Chat 講咗個賽果出嚟,就令其他未睇嘅人無哂癮!劇透咗,仲點有心情睇落去呢?

3) 忽然球迷
平時完全唔睇波、唔踢波,突然睇世界盃嘅人,就係唔少球迷最怕遇到嘅「忽然球迷」!佢哋可能因為熱潮、球星靚仔等等原因,忽然成為球迷!由於對足球唔太認識,佢哋睇波留意嘅就唔係球技、賽事,而係
「嘩!佢好靚仔呀!(喂!睇波定睇人?)」
「越位點解呀?(唔得閒答你呀!自己上網查啦!)」
「幾時到曼聯對巴塞呀?(你知呢場係世界盃,唔係西甲英超歐聯呀?」
睇波已經好緊張㗎啦!仲要遇到「忽然球迷」嘈住哂,真係反十次白眼都唔掂!

4) 唔睇波但阻住晒
有種人唔睇波,但都會不慎影響到你睇波。係,佢哋係無心嘅,例如唔小心轉咗台、係最緊張嘅時候係電視前面行過。嗱呢啲都係會激到球迷暈低嘅舉動!所以,要小心唔睇波都唔好阻住人睇波!

如果睇波係一門學問,識睇波就係一門藝術!記得上述睇波禁忌啦!

  1. 更多
  1. 警方:示威者使用土製炸彈手法與恐襲類同
    3小時前
  2. 英女王到國會發表政府施政方針演說
    18分鐘前
  3. 曹國辭職 文在寅支持度跌至上任新低
    19分鐘前
  4. 庫爾德轉巴沙爾 自治狀況恐動搖
    20分鐘前
  5. 遮打集會促美國國會通過人權與民主法案
    25分鐘前
  6. 警:記者雙手綁上索帶是基於安全理由
    26分鐘前
  7. 民陣申請星期日九龍區遊行
    1小時前
  8. 陳健波連任立法會財委會主席
    1小時前
  9. 【即日焦點】本台車長稱警署內遭暴力對待 警:主動跟進;騰訊體育停播NBA不足一周恢復直播
    2小時前
  10. 警指會跟進本台車長稱警署內受警員暴力對待
    2小時前