0
0
【A0寶寶有救了】功課係約會 南韓大學生出Pool無難度?!

【A0寶寶有救了】功課係約會 南韓大學生出Pool無難度?!

【now生活】A0 Grad指直至大學畢業都係從未拍過拖嘅感情狀態,對於部分學生絕對係惡夢!但係如果你係南韓嘅大學生,就可以唔使擔心啦,分分鐘上堂成為出Pool(拍拖)好機會!因為首爾嘅大學開設有關愛情嘅課程,要求學生一定要「約會」,好好學習拍拖!睇到呢到,係咪覺得好開心?但原來課程其實係想改善「三抛族」嘅情況,「三抛族」即指放棄拍拖、結婚、生育嘅南韓年輕人。

南韓近年經歷學費貴、樓價升、失業率高企等問題,年輕人因而不斷推遲結婚生育年齡,令社會出現生育率持續下降嘅情況。種種生活壓力亦令新一代選擇逃避,成為「三抛族」。所以,首爾東國大學同慶熙大學就推出以兩性關係為主題嘅課程,鼓勵年輕人拍拖、結婚,追趕生育率。

話明上堂,當然要交功課。學生除咗要喺課堂時間討論「呷醋」、「嗌交」等拍拖必經情境題,校方亦指定佢哋一個月內要同3個同學約會作為「功課」,咁樣約男神、女神就成為指定動作!嘩!呢份功課一定係同學仔最想交嘅功課!分分鐘真係上堂都擦出愛火花!除咗畀同學「實戰」約會,課程內容亦會討論家庭、婚姻嘅議題。校方相信接觸愛情議題,同學習其他科目嘅理論同樣重要。最希望學生,特別係「三抛族」可以透過課程恢復對拍拖、結婚嘅憧景。

不過拍拖係講Feel架啵!為「追數」咁樣強逼學生約會係咪真係work?如果經濟問題、生活壓力等係令年輕人唔願意拍拖嘅一大原因,點解唔著手從根本解決問題呢?

資料來源:英國《Express》

  1. 更多
  1. 19歲男子被政見不同人士用刀襲擊傷腹部
    3小時前
  2. 英下議院通過修正案尋求延長脫歐限期
    34分鐘前
  3. 市民中環集會向國際尋求人道救援
    1小時前
  4. 蔡英文:台港司法互助很重要
    1小時前
  5. 英國在野工黨表明反對脫歐協議
    3小時前
  6. 陳同佳案 台灣法務部籲港方勿迴避責任
    3小時前
  7. 劉鶴:不擔心中國短期經濟波動
    4小時前
  8. 陳皓桓:以個人名義繼續發起周日遊行
    4小時前
  9. 港大畢業生議會就反修例風波開特別大會
    5小時前
  10. 英國下議院特別會議將表決脫歐協議
    5小時前