【now.com】去過韓國旅行的朋友都應該會見過傳統小食焦糖餅(달고나),通常於觀光景點都有販賣,一個個阿珠媽蹲著為客人即製熱辣辣脆餅。焦糖餅並非真餅,成分只有糖及梳打粉,所以味道非常甜,就似焦糖乜乜乜飲品上一粒粒的焦糖碎粒。焦糖餅上一定會有圖案,如果食客沿著圖案把餅掰開,老闆會多送一塊。雖然極甜,但食過的總會懷念其味道,終於在網上找到焦糖餅的製作套裝,愛吃的朋友可以在家中都回憶到韓國甜蜜回憶喇!
「Seoul Dalgona」套裝中有齊整焦糖餅的五樣小工具(鐵板、銅兜、小剷、圓形模及公仔模),買回家用煮食爐製作即可。Seoul Dalgona最特別的是以首爾標誌製成公仔模,當中有N首爾塔、南大門及首爾市吉祥物獬豸(해치),以傳統小食介紹首爾,好有心呀!