0
0
〈好B〉鐵人主理另類playgroup 還孩子戶外「放電」童年

〈好B〉鐵人主理另類playgroup 還孩子戶外「放電」童年

【now.com】近日幼兒playgroup於香港都算係一個hit topic,除了因為某間連鎖式playgroup全線結業,並涉嫌詐騙之外,TSA爭議延伸至現今學生面對的壓力問題,都令社會反思究竟什麼教育方針才適合小朋友。上網搜尋「playgroup」一詞,不難發現一些以英文會話、閱讀能力、開拓興趣為賣點的幼兒班,為不想小朋友「輸在起跑線」的家長培育「資優」兒童。其實小朋友約三歲就開始番K1,數數手指有差不多廿年要不斷讀書,係咪真係要小朋友幼年時就開始追趕學業?上playgroup唔係唔好,但其實可以選擇一些「還小朋友童年」,而唔係不斷塞知識入腦嘅班。

坊間有唔少運動playgroup,今次找來以田徑為主題,堅持跑到戶外進行小遊戲的Team A Plus Coaching,由三位「小鮮肉」主理,他們不是坊間必備的「外籍老師」,但佢地憑住自己對運動的認知,創辦了另類playgroup。創辦人Michael由細玩開三項鐵人,之前係區隊成員,受表哥、前三項鐵人一哥勞証顯為外籍小朋友練田徑而設立嘅訓練班啓發,他上年就同三項鐵人港隊成員Perry、朋友Andy一齊建立一個專畀本地小朋友嘅playgroup。

傳統嘅跨欄、S型跑田徑訓練作為熱身。
小小嘅欄,啱晒小朋友用。
呢個遊戲要小朋友記住起跑嘅顏色,音樂停就要搵相同顏色嘅雪糕筒企定,考埋腦仔。

雖然三位教練都係運動精英,但他們志不在培訓體育健將,而係希望讓小朋友多點戶外運動,跑跑跳跳,所以課堂內容並不是跑多少個圈,佢地設計了好多小遊戲,希望令小朋友郁多啲,Michael表示:「好多家長唔想小朋友成日係電子器材同書本前面,想帶他們出外放放電,咁樣亦可以為小朋友建立健康嘅習慣,病痛都少啲」,採訪當日,見識了類似爭櫈仔的「郁動版老師話」同埋「Color run」,沒有計時衝刺的壓力,小朋友可以純粹享受過程。有家長更表示這些小遊戲改善了小朋友行樓梯及走路的姿勢問題。

雖然唔係訓練運動健將,但教練都會注動細節,教小朋友握實拳頭跑。
又教小朋友要有禮貌同專重,豆袋要用手傳,掟喺地下要再傳過㗎。
為了培養小朋友有責任感,每班都有隊長同副隊長,除了帶領小朋友報到、排隊,仲要帶大家拉筋。
所有遊戲都以小朋友能開心跑為目標,唔遠、唔chur。
因為喺戶外地方,教練都會好睇住小朋友。
小朋友玩完都要學幫手收拾㗎。

除了小朋友的身體健康,三位男生更注重小朋友的心靈成長。面對一些怪獸家長,動不動就跑出來餵小朋友飲水、抹汗,教練是完全禁止的,他們要家長坐在場邊,希望訓練小朋友的自理能力:「小朋友走動是少不免會跌倒,教練會在旁鼓勵小朋友自己企起身,再替他們檢查。」Michael希望小朋友學習獨立,同時家長學習在安全環境下讓孩子自己闖。

四個年輕人雖然自己未有小朋友,但就將自己代入小朋友角色,嘗試令小朋友郁動得開心、享受。
Playgroup最緊要都係play,要小朋友在童年時開心玩!
創辦人Michael自己參加過好多三鐵賽事。
Perry Wong黃俊堯就係香港三項鐵人隊成員(超過7年),參加過好多國際賽,包括2014年仁川亞運會。

採、攝:馮翠怡

  1. 更多
  1. 【出境高峰】多個陸路口岸逼滿離境人潮 港珠澳金巴大排長龍
    【出境高峰】多個陸路口岸逼滿離境人潮 港珠澳金巴大排長龍
    4小時前
  2. 外交部駐港公署及保安局反駁外媒有關國安條例的文章
    外交部駐港公署及保安局反駁外媒有關國安條例的文章
    54分鐘前
  3. 東涌裕泰苑電飯煲起火三人送院 四隻貓搶救後不治
    東涌裕泰苑電飯煲起火三人送院 四隻貓搶救後不治
    1小時前
  4. 台北素食餐廳中毒案 有八宗個案驗出米酵菌酸
    台北素食餐廳中毒案 有八宗個案驗出米酵菌酸
    1小時前
  5. 南韓首都圈快鐵GTX部分路段明天通車
    南韓首都圈快鐵GTX部分路段明天通車
    1小時前
  6. 【長假首日】港珠澳大橋搭金巴排三小時 羅湖落馬洲人頭湧湧
    【長假首日】港珠澳大橋搭金巴排三小時 羅湖落馬洲人頭湧湧
    2小時前
  7. 【現場報道】復活長假多個口岸逼滿離境人潮 有市民見人多折返
    【現場報道】復活長假多個口岸逼滿離境人潮 有市民見人多折返
    2小時前
  8. 台北素食餐廳中毒案 第二名死者亦驗出米酵菌酸
    台北素食餐廳中毒案 第二名死者亦驗出米酵菌酸
    2小時前
  9. 尖沙咀有商場推無消費免費泊車五小時吸客
    尖沙咀有商場推無消費免費泊車五小時吸客
    2小時前
  10. 兒子捲召妓醜聞 台防長邱國正請辭獲挽留
    兒子捲召妓醜聞 台防長邱國正請辭獲挽留
    2小時前