【新假期】雖說早餐是人體最重要的一餐，但每天返工返學都總會去到最後一刻先肯起身，莫講話要煮早餐，食個早餐都無時間！不過以下介紹的芝士雞蛋麵包，只需用2分鐘準備＋2分半鐘叮熱，而且好味飽肚，整好放入微波爐，再去梳洗刷牙，出嚟就食得！今輪真係再無藉口唔食早餐啦！
如果你唔只係懶起床，仲更加係懶睇字的話，有埋片你睇跟住做，仲邊有賴？去片！
準備材料：
餐包 x 1 雞蛋 x 1 芝士 x 1 鹽 少量 黑胡椒 少量
做法：
1. 首先你需要準備一個餐包。
2. 然後在餐包上掘開一個洞，洞不要太少，需要容得下一隻雞蛋。
3. 把雞蛋打在洞內。（最差示範，洞掘得不夠大了⋯⋯）
4. 灑上少量鹽和黑胡椒來調味。
5. 再灑上芝士粒。當然如果你是芝士控的話，可以鋪上一整塊芝士！（不過個人認為太多芝士會蓋過雞蛋味啊~）
6. 記著要把雞黃弄穿，不然雞黃就要在翻熱時爆炸了。然後就可以把麵包拿去叮了！
7. 完成！
這個微波爐美食真的容易到手殘都做到。不但可以做早餐，亦是懶人充飢美食～大家喜歡的話要告訴我們，如受歡迎的話我們就推出「手殘DIY微波爐美食系列」啦！
