【Now.com】「高人一等」的確有一定好處，例如無咁易畀人擋住視線、去超市買嘢高位貨架都輕鬆拎到！人對高度的追求渴望或者與身俱來，為求增高各出奇謀，有人不惜承受巨大痛楚接受斷骨增高呢類極端做法，簡單一啲可以喺鞋內加塊增高鞋墊，近年亦有不少隱蔽式增高鞋。
不過，有人選擇高調行事毫不掩飾，著對超厚底鞋示人，港鐵車廂內今天就發生咁樣一幕，一個年輕男子本身絕不矮，目測高度已接近6呎，但佢似乎不甘於呢個高度，佢穿上一對超巨型厚底鞋，腳踭位厚度將近10吋左右，結果佢頭頂車廂天花板！
翻查資料，港鐵觀塘綫列車車廂內高度約2.06米，因為佢頭頂天花板代表佢當下身高達到6尺7寸半左右。由於佢身高太「超然」，佢走過車廂時略顯一啲協調困難，尤其兩卡中間位置空間較少，高度有限，佢必須要低頭彎腰先勉強走得過，眼見佢每步都似踩高蹺咁搖搖欲墜，形容為險象環生亦不為過，擔心佢稍一失平衡隨時跌倒，輕則拗柴扭傷，重則斷腳撞到他人，不禁為佢抹一把冷汗。
港鐵車廂資料
