【Now新聞台】截至早上11時，1小時内《彭博》用戶關注度上升最多的港股，依次為海底撈、恒騰網絡、華南城、旭輝控股集團、長和。
海底撈股價再跌至52周低位，股價本身已經非常殘，今年暫時累跌73%，係今年表現最差藍籌，明明A股嘅航空股因為憧憬疫情現曙光炒上，點解海底撈跌到咁？
紅蟻資本投資經理李澤銘指，疫情的確對内地生意造成一定打擊，雖然整體餐飲業增長放緩，但其實仍然有增長，海底撈表現差過同業，唔止係疫情問題，亦同之前集團過度擴張有關，喺高速擴張期間，好多分店人流量不足，或者分店地區消費力承載唔到咁大間舖，所以開始要閂分店，仲進入收縮期，海底撈整個投資邏輯已經改變。
Alan又話，海底撈股價未來會受兩大因素夾擊，包括...
