【Viu】柳應廷的《Jer Lau “The Shape of Breathing” Live 2025》尾場今晚舉行，Jer繼續喺開騷前帶領全場觀眾站立為大埔宏福苑火災慘劇默哀，再送上《呼吸之間》為大家打氣！其後Jer同一班小朋友合唱《Dear Children》，以及率全場大合唱《人類群星閃耀時》，場面溫馨！尾場除咗邀得兒時偶像RubberBand做嘉賓外，當然要兩度Encore，Jer仲同好兄弟吳林峰齊齊分享舞台，超有愛！
完騷後受訪，Jer直認狀態受感冒困擾，中西醫雙管齊下先可以保住靚聲，仲自爆唱《水刑物語》時食咗啖痰，所以甩咗一句歌詞。Jer表示個唱內容有因大埔宏福苑火災慘劇改動，雖然自己同觀眾都因火災心情沉重，但見到大家完騷後帶住笑容離場就令自己好感動。
講到MIRROR因火災無緣登上《MAMA》舞台，Jer坦言好可惜，事關大家苦練咗兩星期，至於會唔會喺元旦嘅澳門騷「重現」呢個秘密練兵嘅表演呢？睇足本訪問就知啦！
