【Viu】影后Jennifer余香凝以超Deep V長裙現身「第18屆亞洲電影大獎」記者會，宣讀最佳男、女主角入圍名單，坦言有少少緊張，但同時又好戥所有入圍者開心！提到佢喺IG出post自爆去年曾經歷小產，Jennifer報平安指身心都要畀啲時間去沉澱，感恩年尾飛台灣拍戲嗰陣有個小休息！至於之後有冇計劃再追B？Jennifer就謂睇緣份！
「小野」盧鎮業除獲委任今屆嘅青年大使外，呢日佢嘅另一任務就係孖Philip伍允龍宣讀最佳男、女配角等入圍名單！小野指事前係唔知個list，一見到男配有Philip個名係好surprise，當事人Philip更直頭係hang晒機，事關呢次入圍係佢首個嘅電影提名！Philip話對攞獎係抱平常心，當佢聽到偶像洪金寶力撐佢嗰陣，Philip二度Hang機，場面爆笑！小野就笑話當聽到獲委任做「青年大使」都唔係好接受到，點解嘅？佢又不忘幫自己、女友Fish廖子妤sell新戲，仲爆Fish呢期做織女添！
同為嘉賓嘅仲有林明禎、黃德斌，佢哋都不約而同話好緊張，因為怕讀錯！見到《城寨》有9項提名，有份參演嘅德斌都話好鼓舞！自認打得嘅明禎BB敢唔敢同德斌切磋？另外，有網民報料見明禎BB同Edan飛巴黎過聖誕，明禎BB又點回應？「KK」德斌又點睇「田田」Edan同明禎BB傳緋聞？有足本訪問睇啦！
