【Viu】陳寶珠同鄭伊健今日出席慈善活動,Fans除咗大叫:「寶珠姐嚟喇!」仲整埋Banner叮囑寶珠姐轉冷要添衣,又預祝寶珠姐同伊健聖誕快樂,Sweet到呢!而伊健都有Fans由台灣嚟撐場,仲頻頻叫「大佬」,但係浩南哥都冇做大佬好耐喇!
伊健話見到寶珠姐好開心,但唔敢邀請前輩睇演唱會,又話噚晚見到ERROR嚟捧場好興奮,如果ERROR邀請佢睇12月嘅九展騷,自己一定到,ERROR識做啦!講到ERROR爭相貼出攬攬合照爭寵,Dee哥仲自稱伊健最愛自己,伊健就解釋冇大細超㗎,最緊要大家開心!
此外,寶珠姐話幾年冇見Fans,掛到不得了,又讚伊健好尊重長輩,仲話希望再開騷添呀!