瑜珈導師兼 KOL 林芊妤(Coffee)不時喺社交網分享同仔仔「伯伯」嘅生活日常,又可愛又呆嘅伯伯更加收穫唔少姐姐粉絲。Coffee 今日興奮分享自己成功考到車牌,只為親自接載仔仔返學,果然係「為母則強」!
Coffee 平日雖然忙於拍片同搞自家品牌,不過點都會抽時間陪仔仔,所以伯伯都相當黐媽媽。近日伯伯轉校,但因為唔鍾意搭校巴,想媽媽親自送返學,所以 Coffee 就搏晒命練車,為求考到車牌可以接載伯伯,「我跟自己說一定要學好,拿到車牌後不停不停去練習那條路線,然後載我的兒子上學去,相信師傅也覺得我好挺纏人的,打爛沙盤問到篤代表。」
Coffee 又指身邊嘅人都對佢無乜信心,認為實會「肥佬」,不過考完之後連考官都有讚佢,連佢自己都話難以置信,「我一直的座右銘就(是)只要有恆心,鐵杵都可以磨成針,要麼就不要做~要做就要盡力做。」