0
0
〈娛樂乜乜乜〉大台嘅如意算盤

〈娛樂乜乜乜〉大台嘅如意算盤

〈娛樂乜乜乜〉大台嘅如意算盤

【Now.com娛樂】有傳聞指大台年底會大裁員,個數字好驚人,話裁成千人,製作同綜藝組係重災區。實際Cut幾多唔知啦,但已有唔少人拍定手慶祝,覺得佢出得嚟行,終於要還,抵制真係有效果,有人仲形容係走緊亞視舊路。

我覺得啱一半啦。亞視舊路都唔係易行,要幾乎做錯晒所有嘢先達成到。大台開唔到源,自然要節流,無論如何都要做靚盤數,或者做到唔好咁肉酸。

佢嘅如意算盤係,將一啲可以Outsource嘅部門Cut咗佢,留返幾個識得跟Project嘅就夠,嗰啲人出到去一時間邊有其他路數?咪又係接返大台啲Order做同以前一樣嘅嘢,但又要自己負責交租、水電、保險、工具成本等等,再壓一壓個價,咁咪又維持到製作量,又慳到錢囉。

Keep到製作量,自然可以守多一年半載,靜待社會回復平靜嘅日子到來。大台有個無敵武器在手,就係慣性收視,爭取到時間同空間,要做返起係完全無難度。

難為嘅係被裁出嚟嘅人,變相又係做返以前啲嘢,但變成自負盈虧,本來由大台揹嘅成本而家要自己揹返,等於減薪加辛。又咁睇,其實出嚟未必係壞事,唔好諗住淨係接大台Job過活咁傻豬呀,趁呢個機會出去發展吓,搶返大台嘅綜藝製作同廣告Job先係王道。

同埋要留意數期,以前打佢工,唔出糧都可以搵勞工署慢慢玩,而家拖你數真係冇計。尤其啲Cash flow唔好嘅公司拖數問題越嚴重,個人經驗領教過唔少,萬事小心啦。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

魯連FB專頁::https://www.facebook.com/lolinhk
  1. 更多
  1. 帶變種病毒菲籍女子親友曾到深水灣泳灘
    帶變種病毒菲籍女子親友曾到深水灣泳灘
    2小時前
  2. 內地五一假期2.3億人出遊 旅遊收入恢復至接近疫前水平
    內地五一假期2.3億人出遊 旅遊收入恢復至接近疫前水平
    46分鐘前
  3. 七國發公報批中國侵犯人權 外交部:指責沒事實依據
    七國發公報批中國侵犯人權 外交部:指責沒事實依據
    56分鐘前
  4. 消息:政府最快明日公布完成接種兩劑疫苗可縮短檢疫期
    消息:政府最快明日公布完成接種兩劑疫苗可縮短檢疫期
    1小時前
  5. 【5月6日疫情速報】(17:00)
    【5月6日疫情速報】(17:00)
    1小時前
  6. 國家盃場地賽 李慧詩稱可好好備戰奧運贏獎牌
    國家盃場地賽 李慧詩稱可好好備戰奧運贏獎牌
    1小時前
  7. 深圳部分地區據報恢復香港入境者「14+7」檢疫措施
    深圳部分地區據報恢復香港入境者「14+7」檢疫措施
    1小時前
  8. 康怡花園N2座圍封強檢完成 全部結果陰性
    康怡花園N2座圍封強檢完成 全部結果陰性
    2小時前
  9. 本港新增兩宗確診 皆為輸入個案
    本港新增兩宗確診 皆為輸入個案
    3小時前
  10. 【環球薈報】美國迪士尼白雪公主遊戲設施被指不尊重女性
    【環球薈報】美國迪士尼白雪公主遊戲設施被指不尊重女性
    3小時前