0
0
〈娛樂乜乜乜〉金馬之抗爭

〈娛樂乜乜乜〉金馬之抗爭

〈娛樂乜乜乜〉金馬之抗爭

【Now.com娛樂】打壓早已散播在空氣每個角落,無論任何層面,都同政治拉上關係,娛樂事業呢個會散播意識形態嘅範疇當然都唔會例外。兩個主要影展,金馬同金像,亦係每年政治角力嘅主要戰場。今年金馬率先受打壓,打開口牌話中片港片唔可以參加,連杜琪峯都去唔到金馬做評審主席,簡單講就係杯葛啦。睇死金馬得番啲台片,玩唔到幾多年。

有打壓就有抗爭。今年金馬係咪因爲咁而冇晒睇頭呢?平心而論,係有失色嘅,單講港片,本來報咗但縮沙唔去嘅,有《掃毒2》、《使徒行者2》同埋《追龍2》,咁啱都係商業大片嘅續集,再外加一套楊凡嘅《繼園臺七號》。無咗4部可以吸引觀眾嘅大片,再加上啲演員,劉華、古仔、張家輝、梁家輝幾個影展常備影帝唔到,確係好似爭好遠,仲未計大陸片。如果Keep住呢個情況,台灣電影又一直走唔出台灣,咁金馬仲能唔能夠保持而家嘅地位呢?老實講,唔樂觀。

但做呢啲有時不外乎路線啫,此路不通,咪行另一條路囉。咁睇番今年金馬係咪死得人呢?又未算喎,香港人角度睇就梗係唔知嗰啲咩片嚟,但人哋今年有套《返校》,係社會議題級電影,講台灣白色恐怖年代嘅政治迫害。佢改篇自電腦遊戲,而呢個遊戲一出時又係被打壓到飛起。你問我想睇《掃毒2》定《返校》?梗係後者。而《返校》亦得到12個金馬提名,將會撐起今年嘅頒獎禮。而香港都有幾部高質小製作無視杯葛令而去參選金馬做起個勢,鬼咩,又唔係要排大陸上,驚乜?

如果無打壓,焦點就會被分薄,當然唔係話打壓好,但有時遇到逆境先會顯得自己其實可以頂得住。咁人哋打壓,你咪有個更好嘅理由去自強囉,台灣係有資源有實力去每年出一至兩部強片,而唔係而家兩至三年先有一部。咁而家金馬有位畀電影人上,而唔再需要讓路畀香港同大陸電影,相信台灣電影係會受惠。人應該要有自信,唔同嘅路係可以行到出嚟,唔係無咗邊個唔得嘅。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

魯連FB專頁::https://www.facebook.com/lolinhk
  1. 更多
  1. 消息指本港新增兩宗本地確診個案
    消息指本港新增兩宗本地確診個案
    2小時前
  2. 許樹昌:豁免檢疫人士或成防疫漏洞
    許樹昌:豁免檢疫人士或成防疫漏洞
    1小時前
  3. 彭博社:特朗普短期內或公布對華行動
    彭博社:特朗普短期內或公布對華行動
    1小時前
  4. 英媒:英國5G網絡建設將逐步棄用華為技術
    英媒:英國5G網絡建設將逐步棄用華為技術
    1小時前
  5. 特朗普再批中國隱瞞疫情 須負全責
    特朗普再批中國隱瞞疫情 須負全責
    2小時前
  6. 林鄭:國安立法要經立法會程序是「痴人說夢話」
    林鄭:國安立法要經立法會程序是「痴人說夢話」
    3小時前
  7. 陳弘毅:警方拘捕行動非港區國安法最終解釋
    陳弘毅:警方拘捕行動非港區國安法最終解釋
    3小時前
  8. 譚耀宗:若書籍與港區國安法有牴觸或須在公共圖書館下
    譚耀宗:若書籍與港區國安法有牴觸或須在公共圖書館下
    3小時前
  9. 澳門入境珠海免隔離人士 活動範圍擴至大灣區九市
    澳門入境珠海免隔離人士 活動範圍擴至大灣區九市
    4小時前
  10. 陳弘毅:港區國安法沒有明文規定藏有港獨物品屬犯法
    陳弘毅:港區國安法沒有明文規定藏有港獨物品屬犯法
    6小時前