0
0
〈娛樂乜乜乜〉栢芝開舖之好來好去

〈娛樂乜乜乜〉栢芝開舖之好來好去

〈娛樂乜乜乜〉栢芝開舖之好來好去

【Now.com娛樂】理論上,藝人開舖,梗係想愈多記者採訪愈好,就算記者無幫襯,幫手寫得好好睇睇,或者企喺度旺吓個場聚吓人氣,都係好事。你知做生意有人報同無人報,可以係兩種做法啦。

但呢種「服務」有時又未必幫到手,如果你由開舖到關舖都企幾個記者喺門口,鏡頭對到實,咁又真係好難做生意。講緊係栢芝,佢在中環開咗間舖賣衫,啲狗仔隊就守佢門口,啲客行過都未必敢入啦,點知下期乜周封面會唔會自己有個角色㗎?

柏芝於ig呼籲傳媒不要再偷拍。

所以栢芝嬲係有理由,尤其佢本身就唔鍾意狗仔,佢投訴都係可以理解嘅。不過呢,打開門口做生意本來就好難揀邊啲客有幫襯邊啲客無幫襯,就算你投訴,佢哋都唔會走,咁係咪應該用第二種方法解決呢?

首先栢芝你要先了解外面啲狗仔嘅處境。佢哋其實都無乜特別料可以返,主要係時勢問題啦,一般娛樂料真係無乜人關心,而醒目嘅藝人喺呢啲敏感時刻,明知做乜都係得個吉,通常會寧願潛水休息,所以而家娛樂版係靜到一個可怕嘅程度。啲星唔做嘢但娛樂版都要開飯,咁你係栢芝,莫講開舖,就算打個乞嚏,佢都可以畀個封面你㗎啦,所以你係冇可能趕走呢班人。

或者咁啦,試吓調番轉問佢哋要啲咩故仔,想寫你單親媽媽辛酸咪抬貨畀佢影,想寫你賺錢買花戴咪畀佢影玩電話搲腳趾,好唔好睇無所謂啦,反正佢都哋係拍你幾日然後揀兩格佢哋要嘅出嚟寫,何不快手畀佢哋影飽佢唔使煩住你?之後你有你做生意,佢有佢做創作,唔好啲咩?

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

魯連FB專頁::https://www.facebook.com/lolinhk
  1. 更多
  1. 唐英傑煽動分裂國家及恐怖活動罪成 法官:被告有意威脅公眾並帶政治目的
    唐英傑煽動分裂國家及恐怖活動罪成 法官:被告有意威脅公眾並帶政治目的
    11小時前
  2. 泰國持續錄得過萬宗確診 政府安排火車接載輕症患者回鄉治療
    泰國持續錄得過萬宗確診 政府安排火車接載輕症患者回鄉治療
    5小時前
  3. 7月27日東京奧運賽事速報 (23:45)
    7月27日東京奧運賽事速報 (23:45)
    5小時前
  4. 據悉唐英傑案三名法官接電話恐嚇 司法機構指已報警
    據悉唐英傑案三名法官接電話恐嚇 司法機構指已報警
    6小時前
  5. 【7月27日疫情速報】(23:10)
    【7月27日疫情速報】(23:10)
    6小時前
  6. 【持續更新】新型冠狀病毒疫苗接種資訊
    【持續更新】新型冠狀病毒疫苗接種資訊
    6小時前
  7. 【附名單】3個地方納入強制檢測公告
    【附名單】3個地方納入強制檢測公告
    7小時前
  8. 文化博物館明起設新展覽 展示流行文化演變
    文化博物館明起設新展覽 展示流行文化演變
    7小時前
  9. 外交部:一貫支持兩韓通過對話協商改善關係
    外交部:一貫支持兩韓通過對話協商改善關係
    7小時前
  10. 美防長指北京不願意和平解決爭端和尊重法治
    美防長指北京不願意和平解決爭端和尊重法治
    7小時前