0
0
〈娛樂乜乜乜〉秋生話「你邊位?」究竟係邊位?

〈娛樂乜乜乜〉秋生話「你邊位?」究竟係邊位?

〈娛樂乜乜乜〉秋生話「你邊位?」究竟係邊位?

【Now.com娛樂】有單料我同幾個娛記行家笑咗幾日,可能因為有競猜成份,又同幾個主角都叫做過吓嘢,所以份外好笑。

是咁的,話說杜汶澤訪問黃秋生,講到自己睇完《淪落人》好唔要面咁讚秋生演技「進步咗」,跟住秋生爆料,話某年金像獎,一班影帝級演員圍埋一齊,有個當時未係影帝,但後來攞咗影帝嘅男演員,讚秋生某部戲「進步咗,做得唔錯」。秋生聽完直頭懶得理佢,直言當時大家都心諗:「你邊位?」

成件事係勁有畫面,如果當時有拍低就正喇,可惜無!咁究竟嗰位演員係邊個呢?佢無講,但從佢嘅提示呢個係:當時未係影帝,後來先攞影帝。咁應該唔算係演技最好嗰幾個,再根據本人同各大男演員交手經驗,都組織到幾個嫌疑人出嚟。同行家比對一下,都走唔甩以下呢4位。

謝霆鋒、古天樂、郭富城、林家棟。

如果要瞓身買重一個,我絕對係會買林家棟嘅。首先謝霆鋒同古天樂我可以好快filter走,謝霆鋒係會講呢啲造作嘢嘅人,古天樂如果飲大咗都有可能,問題係就算佢哋真係講,秋生又會唔會連「啋佢都有味」咁緊要呢?一個係大好前途嘅後輩,另一個打滾咗咁多年,人人都尊重,就算多口咗,都敷衍到兩句啩?

後面兩個,郭富城同林家棟就叮噹馬頭。演技方面郭富城就公認唔係影帝級嘅影帝,林家棟嘅影帝平心而論幸運成份唔細,而演技嚟講個人覺得佢視帝級走唔甩但影帝級呢,仲有待多啲樣本去證明。

呢兩個人有個共通點,都係超級口水佬。我心目中娛樂圈五大口水佬排名如下:

陳奕迅、林家棟、杜汶澤、任達華、郭富城。

郭富城真人係同佢酷酷嘅形象完全唔同,佢係超級鍾意講廢話,佢咩都講,錢銀女人飲飲食食全部都啱,開咗掣就停唔到,天王身師奶心。但有兩樣嘢佢好少講,一係人哋嘅壞話,佢好口密嘅,二係正經嘢,即是佢拍部戲你問佢幾辛苦佢可以講到日落,但你問佢電影佢幾句就收皮。

林家棟就係電影癡,佢對電影每一個細節,無論係自己定人哋都有無窮嘅意見。佢係有心人,唔係齋講唔做嗰啲,不過一講就停唔到,去到一個煩嘅地步。咁樣睇佢係最有可能,亦係唯一一個夠膽講秋生演技進步咗嘅人,講真其他人連諗都唔敢諗啦。

所以我哋都買重林家棟,但點知後來有人話答案係郭富城!點會咁戇居㗎佢?好彩無買唔係就輸身家。不過呢啲都係自己fact check好啲,下次見到阿澤八吓先。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

魯連FB專頁::https://www.facebook.com/lolinhk
  1. 更多
  1. 港泰院友及伊院A6病房病人死亡 累計37死
    港泰院友及伊院A6病房病人死亡 累計37死
    3小時前
  2. 【8月3日疫情速報】(16:35)
    【8月3日疫情速報】(16:35)
    17分鐘前
  3. 許樹昌:亞博二期用地建臨時醫院擬備負氣壓設施
    許樹昌:亞博二期用地建臨時醫院擬備負氣壓設施
    35分鐘前
  4. 【環球薈報】莫斯科疫情下舉行半馬
    【環球薈報】莫斯科疫情下舉行半馬
    1小時前
  5. 美國新冠病毒疫情進入新階段 病毒傳播更廣泛
    美國新冠病毒疫情進入新階段 病毒傳播更廣泛
    1小時前
  6. 北斗三號將加強與全球導航系統融合性
    北斗三號將加強與全球導航系統融合性
    1小時前
  7. 【MAX觀點】處理外傭放假時聚集僱主同樣有責?
    【MAX觀點】處理外傭放假時聚集僱主同樣有責?
    1小時前
  8. 【MAX觀點】防疫目標和振興經濟方案欠清晰 港府應交代?
    【MAX觀點】防疫目標和振興經濟方案欠清晰 港府應交代?
    1小時前
  9. 南韓單日新增23宗確診 3宗屬社區感染
    南韓單日新增23宗確診 3宗屬社區感染
    1小時前
  10. 譚耀宗:延任未必須全體七十名議員
    譚耀宗:延任未必須全體七十名議員
    1小時前